447.
.... Lodomerius Archiepiscopus Strigon. plebanum s. Mariae de Castro Budensi cum plebano s. Magdalenae in una marca, titulo census annue solvenda, convenisse testatur.
Lodomerius, miseracione diuina sancte Strigon. ecclesie Archiepiscopus, eiusdemque loci Comes perpetuus, vniuersis xpi. fidelibus, presentes litteras inspecturis, salutem in omnium saluatore. Vt ea, que Iudicio uel concordia terminantur, salua, illesa et illibata consistant et ne in posterum in recidiue contencionis scrupulum relabantur, solent et debent litterarum testimonio perhempnari. Hinc est quod ad vniuersorum noticiam tenore presencium volumus peruenire, Quod dilectus in xpo. filius Clemens, plebanus ecclesie s. marie magdalene de Castro Budensi coram nobis personaliter constitutus, frequenter nobis exposuit cum querela, Quod cum ecclesia sua parochialis predicta beate marie magdalene a sui fundacione et construccione plebano de maiori ecclesia, videlicet beate marie, censum vnius marce vsualium monetarum annuatim soluerit et dederit usque modo, nunc Angelus plebanus Castri Budensis ipsum censum volens augmentare pro sue arbitrio voluntatis, duas marcas cum dimidia peteret ab ipso Clemente plebano et sua ecclesia sibi dari. Tandem cum diucius inter eos altercatum fuisset, bonorum virorum arbitrio mediante, sic sopita inter eos questio extitit et sedata, vt amodo in posterum omni contencione et questione remota, ex parte predicte ecclesie sancte marie magdalene et sui plebani, deo decetero in eadem ecclesia in futuro quoque tempore, seruientis, nonnisi marca communis argenti, currentis pro tempore, more solito, plebano Budensi pro tempore constituto, racione census huiusmodi dari et solui debeat annuatim. Vt igitur huiusmodi ordinacionis series robur obtineat perpetue firmitatis, nec processu temporis valeat retractari, presentes litteras ad peticionem et instanciam parcium predictarum nostro Sigillo dari fecimus communitas. Datum cet.
E transsumpto coaevo. Ex Arch. Aerarii Reg. Hung. Acta Eccl. fasc. 41. Nro. 75.
448.
.... Lodomerius Archiepiscopus Strigon. conventionem, Nro. praecedenti relatam, sententialiter confirmat.
Nos Lodomerius, miseracione diuina Archiepiscopus Strigor., eiusdemque loci Comes perpetuus, memorie commendamus, quibus expedit, vniuersis presencium per tenorem, Quod cum albertus plebanus ecclesie sancte marie de

---