- - Cum nos iam dudum, facta diligenti inquisicione - - inuenerimus, ecclesiam beati andree de Obu ... (Obacz) wesprimiensis Dyocesis per magistrum et fratres domus Hospitalis sancti Regis de prope Strigonio, dei timore postposito, fuisse funditus destructam, in preiudicium episcopatus et ecclesie Wesprimiensis, propter quam ecclesie destruccionem et alias iniurias - - - eosdem magistrum et fratres domus Hospitalis sentencia excommunicacionis innodauerimus; Deuocionis vestre mandamus - -, Quatenus dictos magistrum et fratres - - in omnibus diuinis et festiuis diebus denunciare debeatis excommunicatos, donec - - satisfaciant. - - Datum in Cyrch in festo sanctorum Geruasij et Protasij martirum.
Cod. dipl. patr. V. 86. - Fejér (Cod. dipl. VI. II. 176.) haec ita extrahit: Tres Crucigeri de Strigonio villam s. Andreae prope Budam expilantes, iussu Bonifacii PP. VIII. per Jacobum Abbatem Zircziensem excommunicantur a. 1298.
454.
1298. 6. Jul. - Petrus Parochus Strigon. Nrum. 453. exequitur.
Ego Petrus plebanus ecclesie beati Nicolai de Ciuitate Strigon., significo - -, quod recepi litteras - - fratris Jacobi dicti, Abbatis de Cyrch in Bokonio - - in hec uerba:
Sequitur Nrus. 453.
Igitur ob reuerenciam Romane sedis - - obediendo, magistrum et fratres domus Hospitalis sancti Regis de Strigonio - - in ecclesia mea publice - - excommunicatos denunciaui, ac promulgaui, ab omnibus euitandos. - Datum Strigonij in die supradicte denunciacionis, in octauis uidelicet beatorum Petri et Pauli apostolorum. Anno domini M°. CC°. nonagesimo Octauo.
Cod. dipl. patr. V. 86. Octava haec Petri et Pauli anno hoc in diem Domini incidebat. - Vide Nrum. 390.
455.
1298. Jan.-Jul. - Andreas III. Rex testatur, quod Comes Michael filius Folkus, Comiti Thomae de Draa "possessionem ipsius hereditariam, Pehchan uocatam, quam quondam Nycolao Archidiacono Neugradiensi et

---