472.
1299. 1. Jul. - Capitulum Posegaense Comiti Zah, filio Farkasii fundum curiae in villa sua Adryanfalva confert. - "Datum per manus magistri Theophyli, didi puer, lectoris ecclesie nostre, in Octauis festi natiuitatis beati Johannis baptiste."
Cod. dipl. patr. VI. 444. - Theophylus hic a. 1301. 21. Apr. adhuc eodem munere fungitur (Nagy Cod. And. I. 10.) subin Praepositus Strigon. factus est.
473.
1299. 6. Jul. - Emericus Episcopus Varadiensis nomine Regis, Praelatorum, Baronum et Nobilium Regni contra Gregorium Electum Strigon. ad Papam appellat.
In nomine Domini nostri Jesu Christi Amen. Coram vobis - - fratre Jacobo Praeposito et Conventu s. Stephani Protomartyris de promontorio Varadiensi ego Emericus - - Episcopus Varadiensis, Procurator nomine et mandato Domini Andreae Illustris Regis Hungariae, Domini Joannis - - Archiepiscopi Colocensis et Capituli eiusdem et omnium aliorum Praelatorum et Capitulorum Cathedralium Ecclesiarum utriusque provinciae, scilicet Strigoniensis et Colocensis, nec non Baronum omnium et universorum Nobilium totius regni Hungariae, Sedem Apostolicam appello in gravaminibus et causis veris et necessariis, inferius denotatis, Apostolos peto. - - Cum enim hoc anno ad congregacionem regni generalem praedictus Dominus noster Rex Andreas et Joannes Archiepiscopus Colocensis ac Episcopi utriusque provinciae - -, nec non Barones ac Nobiles - - secundum seriem constitutionis, anno praeterito promulgatae, editam, pro reformatione pacis et status regni, ac recuperatione immunitatis Ecclesiasticarum libertatum in locum Rakus vocatum, prope Budam civitatem situm, regni scilicet medium, fuissent congregati; specialiter inter cetera agentes et procurantes Ecclesiae Strigoniensis pacem et Electi eiusdem Ecclesiae statum quietum, in quibus se praefatus Electus et Ecclesia Strigon. per Procuratores suos proponi faciebat esse turbatos et laesos, conquerendo contra - - Regem praefatum et alios turbatores Ecclesiae Strigon., et Dominus Andreas - - Rex Hungariae, si in aliquo ipsum et Ecclesiam suam laeserat, quod non credebat, Praeiatorum et aliorum proborum virorum per Hungariam arbitrio se - - comittebat; Alagister G. praedictus Electus, qui suis litteris. ad eos destinatis, se Administratorem Strigoniensis et Albensis Ecclesiarum et Nuncium Sedis Apostolicae nunciavit, in quibus nec iurisdictionis, nec authoritatis suae copiam, nec qualitatem sui officii, si quam habet, praefatis regni Praelatis destinavit, praedictos regni

---