ecclesie Poson., per mandatum et preceptum domini regis inducti fuissent, et pluribus annis pacifice eam possedissent; Nicolaus filius Johanka de Nek, Petrus Rufus, Chama de Paka, et Nicolaus dictus Bud, Nobiles de Comitatu Poson., Ipsos Prepositum et Capitulum, de Possessione ipsa, contra deum et iusticiam, non obstantibus litteris et instrumentis, eciam a seipsis eisdem concessis, per potenciam magistri Mathei de Trinchinio et Comitis Poson. expullissent et eiecissent, ipsam sibi possessionem occupando, ex qua expulsione et vsurpacione ecclesia ipsa Poson., Dampna magna et grauia, ac iniuriam non modicam passa extitisset. In cuius protestacionis testimonium, presentes ad peticionem dicti magistri Seraphini prepositi, nostro fecimus Sigillo consignari, et eidem preposito assignari. Datum in festo beati Marci Ewangeliste, Anno domini M°. CC°. nonagesimo ...
Numerus ultimus anni avulsus est. Sigillum tergo fuit appressum. Orig. in Arch. Cap. Poson. priv. Capsa E. fasc. 4. Nr. 107. - Ed. Wenzel Cod. Arp. V. 242.
482.
.... - Theobaldus Nuntius Apostolicus Abbatiae Montis Pannoniae Obedientiam s. Crucis in Fén restituit.
Theobaldus, dei gracia Hostiensis et velletrensis episcopus, apostolice sedis in vngaria legatus, Dilectis in xpo. filijs Simili Abbati et Capitulo S. Martini in Pannonia, Salutem in uero salutari. Pie postulatio uoluntatis effectu debet prosequente compleri, ut et deuotionis Sinceritas laudabiliter enitescat et utilitas postulata uires indubitanter assumat. Ea propter dilecti in domino filij uestris iustis postulationibus grato concurrentes assensu, obedienciam sancte crucis in fen, quam uobis venerabilis frater noster, M., Geuriensis Episcopus abstulerat, et uos super ea in presencia nostra erga ipsum mouistis questionem, ipse quoque, cognita iusticia uestra, eam uobis restituit perpetuo possidendam, auctoritate legacionis, nobis iniuncte, sicut ipsam iuste et canonice possidetis, uobis et ecclesie uestre confirmamus et presentis scripti patrocinio communimus; Statuentes, ut nulli omnino Hominum liceat predictam obedienciam uobis auferre, bona illius temere perturbare, seu hanc paginam nostre confirmationis infringere, uel ei ausu temerario contraire. Si quis autem hoc attemptare presumpserit, indignacionem omnipotentis dei et beatorum Petri et Pauli apostolorum eius se nouerit incVRSVRVM.
In parte aversa: Super obediencia sancte Crucis in Fen. - Sigillum cum zona periit. Orig. pulchre exaratum in Arch. Cap. Poson. priv. Capsa F. fasc. 9. Nr. 193. - Similis Abbas a. 1180-1187. (Czinár Monaster. I. 67.) Miculinus autem Episcopus

---