fluctuacionibusque eiusdem Regni diuersis turbacionibus ecclesie percellentur, et propter hoc si non impossibile; tamen difficile sit huiusmodi instrumenta, seu priuilegia ad frequentes questiones, que aduersus ecclesiam mouentur, tute et sine periculo exhiberi; pro eo ijdem prepositus et Capitulum nobis humiliter suplicarunt, petentesque a nobis cum instancia, ut id, quod de benignitate Regia processit et priuilegialibus litteris confirmatum extitit; de eadem nostra benignitate Regia, ad cautelam maiorem et ecclesie statum tuciorem, illud idem priuilegium dignaremur duplicare. Cuius quidem priuilegij tenor talis est.
Sequitur Nrus. 262.
Nos itaque ad instanciam et peticionem legitimam et condignam virorum discretorum, nostrorum fidelium et predilectorum, Thome uidelicet prepositi et Capituli Strigoniensis prefatorum, fauorabiliter inclinati; ipsum priuilegium, non abrasum, non cancellatum, nec abolitum, nec uiciatum, nec in aliqua sui parte diminutum, de uerbo ad uerbum rescribi faciendo, fecimus presentibus duplicari, nostrique sigilli duplicis munimine presens scriptum communiri. Datum per manus magistri Stephani, archidiaconi albensis Transsiluanie, aule nostre Vicecancellarij, dilecti et fidelis nostri. Anno domini M°. CCC°; sexto ydus septembris, Regni autem nostri anno Vndecimo.
Sig. e flavo, viridi et caeruleo serico pendebat. Orig. in membrana oblonga nitide exaratum, in Arch. Cap. Strig. priv. Lad. 41. fasc. 3. Nro. 8. - Ed. Cod. Strigon. II. 230. Wenzel Cod. Arp. X. 370. - Literae hae et sequentes cum totum Capitulum coram Rege comparuerit, Strigonii editae fuerint.
507.
1300. 8. Sept. - Andreas III. Rex ob impacata tempora copiam Nri. 344. edit.
(A)ndreas, dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex, Omnibus xpi. fidelibus, presens scriptum inspecturis, salutem in domino sempiternam. Ad Vniuersorum noticiam, tam presencium, quam futurorum, harum serie uolumus peruenire, Quod discreti viri, Thomas (videlicet preposit)us, totumque Capitulum ecclesie Strigon. ad nostre celsitudinis accedentes presenciam, exhibuerunt nobis priuilegium ipsorum, super facto libertatis populorum suorum confectum et quia propter presentem discordiam - - - - cet. usque finem, ut Nro. 506.
Sigillum a flavo, viridi et caeruleo serico pendebat. Orig. exesum in Arch. Cap. Strigon. priv. Lad. 47. fasc. 4. Nr. 7.
Első
