566.
(1303.) Jun.-Jul. - Gregorius Electus Strigon. cum reliquis Episcopis Transilvanos ad Carolum Regem agnoscendum sub excommunicationis poena stringit.
Gregorius, diuina et apostolica gratia Strigon. et Albensis ecclesiae Electus et Stephanus - Colocensis ecclesiae archiepiscopus, nec non ceteri episcopi omnes, in regno Hungariae existentes, universis nobilibus in partibus Transilvanis - et sacerdotibus eorumdem. - - - Divina clementia - - Bonifacii summi pontificis cor illustravit, - - qui uniuscuiusque Ducis coronatione intellecta, alteram, quae per praelatum ecclesiae Strigon. in persona domini Regis Karoli facta fuerat, tamquam ab eo factam, qui huiusmodi ius habuit coronandi ac non alius praeter eum, approbavit, - - alteram vero[524] omnino annullavit; deditque nobis in mandatis, ut nos in unum venientes, huiusmodi - - confirmationem, per ecclesiam Romanam factam, toti regno publicaremus et omnes regnicolas ad hoc induceremus, vt eidem Regi Karolo, tamquam domino regni et rite coronato, obedirent; - - contrarium vero facientes per excommunicationem et interdictum ad illi obediendum arctaremus. Nos ideoque - - ad locum, per D. cardinalem[525] pro huiusmodi publicatione facienda deputatum, convenimus et inuocata spiritus sancti gratia, habitoque tractatu cum Baronibus et multis regni nobilibus, ipsum D. Karolum dominum regni pari voluntate nominavimus, in eos nihilominus, qui a fide, eidem regi Karolo praestita, se retraxerint, sententiam excommunicationis, ut in speciales; in vniversitates autem, ut est vestra, ac eciam in civitates et liberas villas, quae contrariam partem tenendo, eidem regi Karolo, recepta certitudine - - de huiusmodi publicatione per nos facta, nollent obedire, sententiam interdicti publicavimus. Vniuersitatem ideo vestram - - exhortamur, ut remotis omnibus dubietatibus, quae hactenus vos inutiliter detinuerunt, - - regi Karolo obedire debeatis, ne propter vestram inobedienciam, interdictum, quod auctoritate Domini legati et nostra propter hoc est promulgatum, incurratis. Alioquin vobis sacerdotibus firmiter damus in mandatis, ut huiusmodi interdictum - - fideliter debeatis observare, nisi concorditer ipsum regem Karolum - - suum proclamaverint esse Dominum et post haec statim per idoneos nuncios eorum - - eundem - - ut dominum suum naturalem - - fecerint visitari, iura regalia, hactenus sibi denegata, illi ad plenum administrando. Praesentes autem litteras - - sub sigillis domini Gregorii Strigon. Electi et domini Stephani Archiepiscopi Colocensis, qui de curia Romana recenter est reversus, duximus transmittendas.
Datum deest, sed cum Stephanus Archiepiscopus Colocensis a. 1303. post 30. Maii e Curia reversus Nr. 559., Gregorius Electus autem 7. Septembris Anagniae postquam ibidem, ut Benedictus PP. XI. testatur, moram contraxisset, seu diutius

---

[524] Nempe Venceslai, aut prout apud nos vocabatur, Ladislai.

[525] Nempe Nicolaum Episcopum Ostiensem, Papae legatum.