exhaesisset (Nr. 572.) caesus fuerit, literae hae mensibus Jun.-Jul. editae sunt. - Katona Hist. Crit. VIII. 59.; Fejér Cod. dipl. VIII. I. 133.
567.
1303. 1. Aug. - Conventus Cruciferorum Strigon. Moniales de Insula Strigon. magistro Zoard partem terrae Sárkány tribus marcis argenti vendidisse testatur.
A. B. C.
COnuentus Cruciferorum Domus Hospitalis ecclesie sancti Regis Stephani de Strigonio vniuersis, presentes litteras inspecturis, salutem in domino sempiternam. Ad uniuersorum noticiam, tam presencium, quam futurorum, harum serie uolumus peruenire, Quod Religiosa domina, nomine katherina, abbatissa sanctarum monialium monasterij beate virginis Marie de insula Strigon., vnacum dominabus, scilicet elysabeth et elena sororibus, pro se et pro vniuersis fratribus (sic) earumdem personaliter ad nostram accedendo presenciam, dixerunt et confesse sunt, quandam particulam terre earumdem de terra ipsarum Sarcuan uocata, pro necessitatibus ipsius monasterij beate virginis Marie et in eodem Monasterio commorantibus, ex consensu et uoluntate omnium fratrum ipsarum, ad unum aratrum cum suis utilitatibus et pertinencijs sufficientem, iuxta terram magistri Zoard Seenkuezou iacentem, vendidisse tribus marcis fini argenti, plene habitis et receptis, eidem magistro Zoard nepoti Wech et per eum suis posteritatibus iure perpetuo et irreuocabiliter possidendam, tenendam et habendam. Que quidem particula terre iam cum metis, de nouo erectis, est commixta, cohadunata et coniuncta ad predictam terram Seenkuezou magistri Zoard memorati. Meta quidem cuius particule terre incipit a Capite fontis riuuli Seenkuezou memorati, ubi sunt due mete terrestres, quarum vna pertinet ad predictam dominam abbatissam et sorores eiusdem, alia uero ad magistrum Zoard memoratum a parte orientali et dehinc uadit directe eundo uersus partem occidentalem, ubi similiter sunt due mete terrestres, similiter ad utrasque partes pertinentes, et dehinc paululum eundo, similiter sunt due mete terrestres, quarum similiter vna pertinet ad ipsam dominam abbatissam et fratres eiusdem, alia uero ad magistrum Zoard supradictum, et dehinc paululum proceditur, ubi sunt due mete terrestres a parte occidentali et deinde parum reflectitur ad partem Septemtrionalem iuxta quendam montem, ubi similiter sunt due mete, quarum vna est earumdem domine abbatisse et sororum eiusdem, alia uero pertinet ad magistrum Zoard sepius dictum, et ibi determinantur mete predicte particule terre, per ipsum magistrum Zoard empcione comparate circa et iuxta predictam terram Senkuezou magistri Zoard memorati, ubi uilla eiusdem continetur et existit Senkuezou nuncupata. Insuper prefata domina abbatissa nomine katharina, et elysabeth, ac elena sorores

---