591.
1305. 24. Jan. - Capitulum Poson. Simeonem quendam sex pensis Andream servum suum manumisisse testatur.
A. B. C.
Vniuersis xpi. fidelibus, presentes litteras inspecturis, Capitulum ecclesie Poson. salutem in domino sempiternam. Ad vniuersorum noticiam tenore presencium volumus peruenire, Quod constitutus, personaliter coram nobis Sijmon, filius Jacobi, pro se et pro filijs suis, ex una parte; Nijcolaus carpentarius, quondam proprius ipsius Symonis, ex altera; idem Symon est confessus, quod ipse unum seruum suum, nomine Andreas, filium eiusdem Nijcolai, receptis ab eodem Nycolao sex pensis, eundem Andream et suos heredes, heredumque suorum successores manu misisset et tradidisset inreuocabiliter perpetue libertati, dando eidem ubicunque, uel apud quoscunque residendi voluerit, liberam facultatem; obligando se, quod quicunque processu temporum eundem Andream, aut suos filios, racione pristine condicionis uellet forsitan molestare: extunc idem Symon, uel sui filij tenebuntur eosdem expedire proprijs laboribus et expensis. In cuius rei memoriam nostras dedimus litteras, sigilli nostri munimine roboratas. Datum dominico die proximo ante conuersionem sancti pauli, Anno domini M°. C°C°C°. quinto.
Sigillum e corrigia pendet. Orig. in Arch. Capituli Poson. publ. Capsa 14. fasc. 23. Nr. 6.
592.
1305. 5. Febr. - Andreas Abbas Sexardiensis queritur, "quod nos pro arduis negociis Ecclesiae nostrae ad Dominum Michaelem Archiepiscopum Strigon. accessissemus et expedito nostro negocio iter domum habuissemus, idest in Vissegrad pervenissemus navigio, Bohemi, qui in castro Vissegrad commorabantur, insurgentes contra nos, sine causa captivaverunt et diu in captivitate retinuerunt. - - In festo sanctae Agathae."
Koller Hist. Episc. Quinqueeccl. II. 244. - Fejér Cod. dipl. VIII. I. 182. - Schmitth Archiep. Strigon. I. 52., qui e literis his Michaelem Archiepiscopum ad a. 1305. provixisse colligit; sed Katona (Hist. Crit. VIII. 77.) bene observat: "nempe hic annus non tam ad factum, quam ad testimonium hoc scriptum refertur."

---