609.
1306. - Magister Tyboldus, homo Capituli Posoniensis ad statuendam terram Moruchzygete exmissus.
Nagy Cod. Andegav. I. 120.
610.
1307. 8. Jan. - Thomas Archiepiscopus Strigon. Eremitis s. Pauli in ecclesia b. Philippi et Jacobi Apost. "in terra Kukenis" indulgentias largitur. "Datum in villa Scinna sexto idus Jan.
Fejér Cod. dipl. VIII. VII. 368.
611.
1307. 11. Febr. - Thomas Archiepiscopus Strigon. decimam tributi portus Poson. et de Csallo Ecclesiae Poson. erga celebranda Sacra donat.
Nos Thomas, miseracione diuina Archiepiscopus Strigon., locique eiusdem Comes perpetuus, Vniuersis, quibus expedit, significamus presencium per tenorem, quod nos, pia et salubri consideracione ducti, propter premium eternorum, ob remedium eciam animarum Venerabilium patrum, Domini Lodomeri et domini Michaelis, qui in ecclesia praepositali Poson. extitit tumulatus, felicissime recordacionis, Archiepiscoporum, predecessorum nostrorum, nec non pro anima nostra, et anima fratris nostri karissimi, magistri Nycolai, in eadem ecclesia sepulti, decimam tributi de portu Poson. et de Challo, que ex forma priuilegiorum ecclesie Strigon., nobis et Archiepiscopatui Strigon. dinosscitur pertinere, discretis et honorabilibus uiris, preposito et Capitulo ecclesie Poson. duximus conferendam, ordine inferius obseruato; ita videlicet, quod primo omnium tercia pars prefate decime, de ipso tributo proueniens, preposito eiusdem ecclesie, pro tempore constituto, cedere debebit, de residuis autem duabus partibus, Custos eiusdem ecclesie decimam tollet, residuum uero inter uniuersos canonicos eiusdem ecclesie diuidetur; prefati autem prepositus Custos et canonici, pro comemoracione animarum prenominatorum venerabilium patrum, et nostra, singulis ebdomadis singulam missam pro defunctis, et singulis diebus, exceptis precipuis festiuitatibus, missam de beata Katherina pro anima prefati fratris nostri Njcolai, deuote facient celebrari, et ut huiusmodi donacio decime dicti tributi perpetuo ualeat stabiliri; promittimus per nostrum procuratorem apud curiam Romanam, mediantibus litteris apostolicis,

---