Decimam Tributi in portu Posoniensi et in Portu Chollou, ad nos de iure pertinentis, ita, quod tota illa decima, que de illis Tributis prouenit, primo et principaliter diuidetur in partes tres, quarum vnam ipsivs ecclesie Prepositus recipiet, duas partes Capitulum, decimam uero illarum duarum parcium, quas Capitulum recipit, percipiet eiusdem ecclesie Custos pro se ipso. In cuius rei testimonium presentes litteras fieri fecimus et nostri Sigilli appensione communiri. Datum Posonij in vigilia beati Andree apostoli, Anno Domini Millesimo Trecentesimo Sexto.
Sigillum e flavo serico pendebat. Orig. pulchre exaratum in Arch. Cap. Poson. priv. Capsa G. fasc. 7. Nr. 159. - Commemorant Pray Hierarchia I. 73. et Fejér Cod. dipl. VIII. I. 205.
608.
1306. 21. Dec. - Capitulum Poson. Osannam, viduam Comitis Petri de Jánok, servum suum Blasium manumisisse testatur.
A. B.
Vniuersis Xi. fidelibus, presentes litteras inspecturis, Capitulum ecclesie Poson. salutem in domino sempiternam. ad uniuersorum noticiam tenore presencium uolumus peruenire, quod constituta coram nobis domina Osanna, relicta Comitis Petri de Januk, vna cum Comite Jacobo magno et cum duobus filijs suis, scilicet Thoma et Dominico; que quidem domina Osanna uiua uoce est confessa, quod ipsa quemdam seruum suum, Blasium nomine, filium Leupoldi, pro remedio anime sue, ac pro remedio animarum parentum suorum, ex consensu et permissione duorum filiorum suorum et Comitis Jacobi, et suos heredes, quos processu temporum forsitan procreauerit, manumisisset et tradidisset perpetue libertati; dando eidem Blasio et suis heredibus ubicunque, uel apud quoscunque uoluerint, residendi liberam facultatem; obligando se, quod quicunque cognatorum suorum et maxime filij Jacobi, paulus et Lamptus (sic) ac filij eorumdem, uel alij processu temporum dictum Blasium et suos heredes racione pristine condicionis uellent forsttan inpetere, uel uexare; extunc predicta domina et sui filij predicti tenebuntur ipsum Blasium cum suis expedire proprijs laboribus et expensis. In cuius rei testimonium nostras concessimus litteras, nostri sigilli munimine roboratas. Datum in festo Thome apostoli, anno domini M°. C°C°C°. sexto.
Sigillum ex albo et rubro serico pendet. Orig. in Arch. Cap. Poson. publ. Capsa 14. fasc. 23. Nr. 23.

---