mandauerint, uel procurauerint, uel sacerdotibus, predicta perpetrantibus, ne ipsa pena percelli possint, auxilium, consilium, uel fauorem prestiterint: simili excommunicacionis sentencie, quam in eos ex nunc, prout ex tunc proferimus in hijs scriptis, subiaceant ipso facto.
Cum honor beate virgini, genitrici domini nostri ihu. Xi., inpensus, uel inpendendus, eidem domino nostro ihu. xo. et toti celesti curie inpendi nullatenus ambigatur; de consilio reuerendorum patrum et dominorum Episcoporum, collegarum nostrorum et aliorum prelatorum statuimus et ordinamus, sicut in plurimis locis a fidelibus Xi. hoc firmiter obseruatur, ut quolibet die de sero, cum iam dies inclinari ceperit, quiuis prelatus cuiuscunque dignitatis, aut status secularis, uel regularis, et vniuersi ecclesiarum parochialium sacerdotes ad instar tintinnabuli campanam sonari faciant, quo signo audito, vniuersi Xi. fideles ad honorem beate virginis ter dicant Aue maria, ut sic suorum remissionem mereantur accipere peccatorum, nos enim et quilibet coEpiscorum, nostro in presenti concilio congregatorum, singuli nostrum singulas decem dierum indulgencias, de omnipotentis dei misericordia confisi, omnibus, hoc ad laudem genitricis dei facientibus, duximus concedendas.
Ceterum quicunque ecclesiastica[571] iudicia secularia, uel spiritualia usurpant, ea temerarie iudicando et ad sua iudicia uetita trahendo: sentenciam excommunicacionis in omnes tales proferimus in hijs scriptis.
Similiter qui a uiris ecclesiasticis, regularibus, uel secularibus, presertim ad sacrum concilium, uel sanctam synodum uenientibus, tributa, uel pedagia receperint: sentenciam excommunicacionis in eos proferimus in hijs scriptis.
Preterea quicunque duas ecclesias parochiales, aut duo beneficia, curam animarum habencia, siue duos personatus, uel personam, et beneficium, habens curam animarum, in altero uicarium tenendo, palam, uel occulte, uel quocunque quesito colore indebite detinent, cum de iure non possint: sentenciam excommunicacionis in omnes tales et uicarios, per ipsos institutos, proferimus in hijs scriptis.
Quum inter mala omnia, que peccatis exhigentibus plurimum in regno Hungarie sunt multiplicata, corrupit quippe in eo omnis caro uiam suam et homicidij malum plus increbresscit et frequentatur; placuit, ut in missarum solennis eis, quos homicidas certitudinaliter esse sciuerint et connouerint, nullus omnino communicet, se(d) sicut antiquitus uigente fide et feruente deuocione a fidelibus seruabatur, tamquam predicti homicide ab omnibus spernantur et contempnantur; nam predicti sceleris perpetratores, qui antea cum humilitate magna et cordis contricione, nudi et discalceati ante fores ecclesie se flagellantes, suorum precabantur ueniam peccatorum, nunc inreuerenter et inpudice se missarum solempnijs et alijs diuinis inmisscent officijs

[571] Rectius: ecclesiastici.