et quanto plura committunt homicidia, vnde dolorem (sic) deberent et ingemisscere, cum creaturam, ad ymaginem dei creatam, nequiter extingant, spiritum uite, quem in eos deus inspirauit, crudeliter auferentes, tanto amplius gloriantur. Vniuersi igitur prelati ecclesiarum in suis ecclesijs in dominicis diebus et precipuis festiuitatibus precipiant populo, sibi subiecto, ut homicidas predictos, ne malum hoc amplius frequentetur, tamquam excommunicatos et leprosos euitent, contempnant et despiciant, ut sic saltem rubore suffusi, ad penitencie fructum reuertantur et a perpetrandis malis predictis amplius arceantur, et hoc Xi. fidelibus in suorum iniungant remissionem peccatorum.
Item cum peturmamis[572], Martinus sclauus, ceterique ciues Budenses per reuerendum uirum, bone memorie dominum Gregorium, quondam electum Strigon. et subsequenter per reuerendum patrem, dominum nicolaum, tunc ostiensem et veltrensem (sic) episcopum, apostolice sedis legatum, ac demum per dominum micaelem, pie memorie quondam archiepiscopum Strigon., predecessorem nostrum, ex certis et legetimis, ac euidentissimis et cunctis notorie notis causis excommunicacionis et Castrum ipsum interdicti silencijs fuerint irretiti et ipsas sentencias a nouem annorum (sic) circiter animo sustinuerint indurato, cogentes populum castri Budensis audire missas lodwici sacerdotis et sociorum eius excommunicatorum, qui in loco prefato interdicto ab eiusdem temporis spacio circiter missas et alia diuina officia celebrarunt predictis excommunicatis et interdictis et adhuc celebrant, dei timore postposito; predictas excommunicacionis et interdicti sentencias, per prefatos latas in eosdem, innouamus et nichilominus in ipsos denuo excommunicacionis et interdicti sentencias proferimus in hijs scriptis, Sacerdotes, qui in eodem loco celebrauerunt hactenus et adhuc celebrant, uel celebrauerint in posterum, quamdiu ijdem ciues meruerint absolucionis beneficium obtinere, et qui officium eorum aduiuerunt (sic) hactenus, adhuc audiunt, uel audiuerint in posterum: excommunicamus in hijs scriptis; predictos sacerdotes tamquam hereticos ut scismaticos declarantes, deputando personas eorumdem a fidelibus Xi. capiendos, ac bona ipsorum diripiendo uniuersa, ciuium scilicet Budensium et sacerdotum sic celebrancium

[572] Pray vocem hanc exmisit, Fejér autem absurde legit: Pecuniarius. - Petermannum hunc - ut chronica nostra testantur - Venceslaus Rex, dum cum filio suo Venceslao Rege in Bohemiam reversurus Buda excesserat, in locum Ladislai filii Vernerii, quem captivum secum abduxit, Rectorem Castri Budensis constituit. Ladislaus hic post tres annos e captivitate rediens, "Castrum Budense noctis in silentio subintravit et quosdam cives Budenses, suos adversarios et proditores, invasit subito et destruxit, Pettirmanus autem iudex civitatis nudus fugiens, vix evasit. Duos enim ex ipsis civibus, scilicet Marcum Hermann et magistrum Martinum, iuratos cives de duodecim, in caudis equorum per vicos et plateas civitatis crudeliter trahi fecit et eorum ossa ignibus concremari; bona eorum obtinuit et possedit." Marci Chron. cap. 94.