Vesprimiense ad secundam feriam proximam post festum aduentus beati Michaelis Archangeli (13. Maii) citatum, quia in termino non comparuit, "in iudicio remansisse" decernunt. "Datum Strigonij tercio die termini prenotati."
Cod. dipl. patr. IV. 114.
639.
1308. 4. Jun. - Magister Henricus, filius Henrici Bani, super observanda Carolo Regi fidelitate in manus Gentilis Cardinalis Legati coram Thoma Archiepiscopo Strigon. et aliis iuramentum praestat. Actum in Teten Wesprimiensis Dioecesis pridie nonas Junij.
Fejér Cod. dipl. VIII. I. 310.
640.
1308. 6. Jul. - Capitulum Nitriense Michaelem de Szelepcseny, terram unius aratri Abbatiae s. Benedicti octo marcis impignorasse testatur, ab eadem Abbatia, si statuto tempore redempta non fuerit, perpetuo possidendam.
Nos Capitulum ecclesie nitriensis damus pro memoria, quod Mychael filius Leustachij de Zelepchen, ad nos personaliter accedens, quandam particulam terre sue, titulo empcionis ad ipsum spectantem, in eadem Zelepchen existentem, inter terram ecclesie sancti Benedicti de Gron, ab vna parte et inter terram Bene sacerdotis, filij Bank, ab altera, adiacentem, ad vsum seu utilitatem vnius aratri sufficientem seu congruentem, cum vniuersis vtilitatibus et attinencijs eiusdem particule terre vnius aratri Religioso viro, Domino Paulo, abbati monasterij Sancti Benedicti de eadem Gron et suo Conuentui, pro quibus et ex quibus religiosus frater Ladyzlaus de eadem comparuit, pro octo marcis, ab eisdem plene receptis, a data presencium usque ad octauam beati Georgij inartiris, que fiet anno domini M°. C°C°C°. Nono, coram nobis pignori idem Mychael obligauit, tali articulo interserto, quod si in ipsa octaua redimere pro eisdem octo marcis ab ipsis negligeret, uel non curaret; extunc ipsa prehabita terra vnius aratri eidem monasterio Sancti Benedicti perpetuabitur e(o fact)o, sicut ipse Mychael ad id sponte consensum prebuit se firmiter obligando, ita, ut nullo umquam tempore post prefatam octauam beati Georgij martiris ipse uel sui heredes, aut cognati ipsam perpetuacionem pretitulate terre ualeant, uel possint aliquatenus irritare; et ad maiorem certitudinem idem frater Ladyzlaus priuilegium Incliti quondam Regis Bele, super