concessimus, sigilli nostri munimine roboratas. Datum In festo beati Nicolai confessoris. Anno domini M°. Trecentesimo Octauo.
Fragm. sigilli e viridi et flavo serico pendet. Orig. maiusculis literis nitide exaratum, in Arch. Cap. Strig. priv. Lad. 38. fasc. 1. Nro. 3.
648.
1308. - Capitulum Poson. Stephanum de Oroszvar et dominam Seppentiam Comiti Thome partem terrae Ban vendidisse testatur.
A. B. C.
Vniuersis xpi. fidelibus, presentes Htteras inspecturis, Capitulum ecclesie Poson. Salutem in salutis actore. Ad vniuersorum noticiam harum serie volumus peruenire, Quod constitutus personaliter coram nobis Stephanus. filius Denklini de Vruzwar et domina Seppencia, Relicta Michaelis, fili Geztred, una cum filio suo, nomine fuldrico, sicut dixit, ex una parte; Comes Thomas, filius Comitis Thome de eadem, ex altera; idem Stephanus est confessus oraculo uiue uocis, quod ipse de terra sua hereditaria, Ban terra uocata, (duos) laneos cum suis vtilitatibus uniuersis, scilicet agris, pratis, fenetis, aquis, Pascuis pecorum et Siluis, eidem Comiti Thome pro quatuordecim pensis latorum denariorum Wiennensium, plene ab eodem receptis et maxime causa proximitatis, dedisset, uendidisset et locasset in filios filiorum, iure perpetuo possidendas, habendas et tenendas; similiter domina Seppencia predicta se duos laneos de terra Ban uocata, dotalicios sue maris (sic), qui post obitum sue matris in manus ipsius domine Seppencie debito iure fuerimt deuoluti, eidem Comiti Thome supradicto uiua uoce asseruit dedisse, uendidisse et locasse pro viginti quatuor pensis latorum denariorum Wiennensium, plene ab eodem receptis et maxime causa linee consanguineitatis, cum omnibus utilitatibus et pertinencijs suis, scilicet Agris, Pratis, aquis, fenetis, pascuis et Siluis, in filios filiorum inreuocabiliter possidendos, habendos et tenendos. Obligando se idem Stephanus et domina Seppencia, quod quicunque processu temporum ipsum Comitem Thomam, uel suos heredes, heredumque suorum successores racione dictorum laneorum uellent forsitan molestare, uel uexare; extunc idem Stephanus et domina Seppencia tenebuntur expedire proprijs laboribus et expensis. In cuius rei memoriam presentes concessimus litteras, Sygilli nostri munimine roboratas. Datum Anno incarnacionis domini M°. C°C°C°. octauo.
Sigillum e flavo serico pendet. Orig. in Arch. Cap. Poson. publ. Capsa 14. fasc. 2. Nr. 2.