646.
1308. 6. Dec. - Thomas Archiepiscopus Strigon. in causa coram Gentili Cardinali Legato contra Magistrum Nicolaum Cantorem Quinqueecclesiensem mota, Angelum Theobaldi de s. Victoria Notarium procuratorem suum constituit.
Fejér Cod. dipl. VIII. I. 289. - Causae meritum Thomas Archiepiscopus sic proponit: "Cum dictus Magister Nicolaus sit excommunicatus maiori excommunicatione per constitutionem, a bone memorie Domino Nicolao, olim in Vngarie Regno Apostolice Sedis Legato, editam contra occupatores et detentores Ecclesiarum et Ecclesiasticorum bonorum; eo quod dictus Magister Nicolaus contra dictam constitutionem Ecclesiam Quinqueecclesiensem, Castrum et alia bona plura ipsius violenter occupavit et detinet occupata." Ibid. 305. - Causa haec a 4. usque 24. Dec. pertractata fuit sed non finita. Ibid. 283-310. Anno 1309. 2. Jan. iterum resumpta et ad 10. Jan. protracta, sed iterum nondum finita fuit. Ibid. 313-324.
647.
1308. 6. Dec. - Nicolaus de Zeliz partem terrae suae Giegy comitibus Barleus et Jerozlao vendit coram Conventu Cruciferorum Strigon.
A. B. C.
Conuentus Cruciferorum Domus Hospitalis ecclesie sancti Regis Stephani de Strigonio, Vniuersis, presentes litteras inspecturis, salutem in domino sempiternam. Ad uniuersorum noticiam, tam presencium, quam futurorum, harum serie uolumus peruenire, Quod comes Nicolaus, filius Been, nobilis de Selyz, ad nostram personaliter accedendo presenciam, dixit et confessus est, de terra sua, Gyegy uocata, quandam particulam terre sue, ad quatuor aratra iuxta consuetudinem regni sufficientem, cum suis utilitatibus et pertinencijs, a parte Septemtrionali iuxta et circa terram Kurul, terram videlicet comitum Barleus et Iruzlay existentem, vendidisse Sex marcis, plene habitis et receptis, prenominatis comitibus, scilicet Barleus et yruzlao, ac heredibus ipsorum, heredumque suorum successoribus, iure perpetuo et irreuocabiliter possidendam, tenendam et habendam. Insuper prefatus Nicolaus, filius Been, tam per se, quam per suos, firmiter et sollempniter assumpsit, eosdem comites, scilicet Barleus et Iruzlaum, ac posteros ipsorum in perpetua possessione predicte particule terre, de ipsa terra Gyegy sufficientis ad quatuor aratra, et utilitatum eiusdem conseruare et ab omnibus inpetitoribus et molestare uolentibus expedire suis laboribus et expensis. In cuius rei memoriam et perpetuam firmitatem ad peticionem et instanciam parcium predictarum presentes concessimus