sitam, quam eidem Comiti Jacobo, marito eiusdem domine Andreas Rex, dominus noster, quondam Rex Hungarie, felicis recordacionis, pro meritorijs seruicijs suis et maxime pro morte Farkasij, fratris sui, qui in exercitu eiusdem extitit interemptus, contulerat, prout in litteris priuilegialibus eiusdem Andree Regis vidimus contineri, eidem Ladizlao genero suo et domine Margarete filie sue, vxori eiusdem Ladizlai et eorum Heredibus, heredumque suorum successoribus, racione ... tatis, cum omnibus utilitatibus et pertinencijs suis predicta domina et Nicolaus filius eius dedissent et donassent, inreuocabiliter perpetuo iure (possid)endam, habendam et tenendam. In cuius rei testimonium presentes concessimus litteras, sigilli nostri munimine roboratas. Datum feria quarta proxima post dominicam Circumdederunt, Anno domini M°. C°C°C°. nono.
Sigillum ex albo serico pendet. Orig. in Arch. Cap. Poson. publ. Capsa 14. fasc. 18. Nr. 6.
652.
1309. 31. Jan. - Thomas Archiepiscopus Strigon. vineas in Recse noviter plantandas a decimis per decem annos immunes reddit.
Nos Thomas, dei gracia archiepiscopus Strigon. eiusdemque loci comes perpetuus, memorie commendantes, significamus uniuersis, quibus expedit, presencium per tenorem, quod nos instancijs et humilibus suplicacionibus Andree et Johannis, filiorum Nicolai, Sandur et Peteu filiorum Stephani, Mathei filij Johannis, et Thome ac Dominici, filiorum Petri, nobilium de Reche, paternaliter inclinati, hanc eisdem graciam specialem duximus concedendam, quod omnes cuiuslibet condicionis homines, qui in dicta terra Reche vineas, in locis nemorosis, siluestribus, Campestribus et incultis de nouo plantare uoluerint uel plantauerint, a die incepcionis operis earumdem plantularum, decem annorum ab omnibus decimis ipsarum vinearum, nobis annuatim debitarum, liberi sint et exempti. Et decimas frugum ipsorum in dicta terra Reche seminatarum, iuxta consuetudinem Ciuitatis Posoniensis, in agris soluere teneantur. In cuius rei testimonium presentibus sigillum nostrum autenticum aponi fecimus et appendi. Datum Poson (sic) feria sexta, proxima ante dominicam Exurge, Anno domini M°. CCC°. Nono.
Sigillum ovale sat bene conservatum, praelatum sedentem exhibens, e rubro serico pendet. Orig. in Arch. Cap. Poson. publ. Capsa 14. fasc. 16. Nr. 1.

---