653.
1309. 1. Febr. - Augustinus Episcopus Zagrabiensis terram quandam Comitatus Dombró Martino magistro Dapiferorum suorum confert.
(F)rater Augustinus, miseracione diuina Zagrabiensis episcopus, omnibus xpi. fidelibus, presens scriptum inspecturis, salutem in domino. Ad Vniuersorum noticiam Harum serie uolumus peruenire, Quod nos quandam terram nostram, in Comitatu de Dombro existentem, terris Nicolai, filij Milne et Vulkina, predialium nostrorum contiguam et uicinam, metis distinctam infrascriptis, per mortem Laurencij, filij Paridis, predialis nostri, sine herede decedentis, ad manus nostras iure dominij deuolutam, in concambium alterius terre Dobnicha uocate, in Comitatu Chasmensi existentis, quam Martinus, filius Thome, nunc magister dapiferorum nostrorum, empcionis titulo possidebat, necnon ob meritoria seruicia eiusdem Martini, que nobis ab euo puerili fideliter inpendit, in recompensacionem huiusmodi suorum seruiciorum aliqualem, cum omnibus dicte (terre utilitatibus) scilicet Molendinis, sessionibus, Fenetis, terris arabilibus, aquis, siluis, ac alijs vtilitatibus, dedimus et contulimus ipsi Martino et per eum suis heredibus, heredumque suorum successoribus, more et condicione aliorum predialium nostrorum, iure perpetuo (possidendam et h)abendam, Debitis et seruicijs de ipsa terra per eundem Martinum et suos heredes nobis et nostris successoribus integraliter reseruatis. Hoc adiecto, quod si aliquo tempore idem Martinus, uel heredes sui notam infidelitatis incurrerint manifestam, necnon debita seruicia nobis et successoribus nostris de iam dicta terra debita contumaciter dare et soluere non curarent: extunc a iure et proprietate terre cadent ipso facto. Prima vero meta ipsius terre, sicut discretus vir, magister Philippus, canonicus Chasmensis, capellanus noster, quem ad rehambulandum eandem miseramus, ad nos rediens, nobis in scriptis attulit, incipit ab occidente, ubi est uicina terra Nicolai, filij Milne et transiens magnam viam in uicinitate terre Mathei clerici eundo uersus occidentem, uenit ad arborem Has cruce signatam, inde ad arborem Harazt, inde ad paruam uallem, pluuialibus undis factam et per eandem cadit in fluuium Chernech (?) ubi commetatur terre libere ville de Dombro, per cursum cuius uersus meridiem (proced)endo, uicinatur terre PerucJie; Inde per eundem uenit ad terram Puchuna, inde ad terram Petk, inde ad terram comitis Inosk, iuxta quam procedendo in eodem fluuio Chernech uenit ad locum, ubi quidam riuulus, eodem nomine uocatus, cadit in fluuium Chernech prenotatum, ibique regirans uersus occidentem, uenit ad pontem, ubi uicinatur terre Mathei, filij Martini; abhinc aduc uersus occidentem per ipsum riuulum asscendens in magno - - exit ad arborem Piri, cruce signatam, ibique commetatur terre Vulkina; abhinc uersus septemtrionem procedit in Vodotech et

---