et sui successores vniuersi tenerentur expedire proprijs laboribus et expensis. In cuius rei testimonium presentes concessimus litteras, sigilli nostri munimine roboratas. Datum in die inuencionis sancte Crucis, Anno domini M°. C°C°C°. Nono.
Sigillum integrum e corrigia pendet. Orig. in Arch. Cap. Poson. publ. Capsa 14. fasc. 20. Nr. 17.
659.
(1309. a. 11. Maii.) - Romungus Curialis Comes Poson. Comiti Ladizlao, Comiti Udvarnicorum de Csallókoö, terram Torcs contra Benedictum adiudicat.
Nos Romungus, curialis comes Poson., memorie commendantes, significamus, quibus expedit vniuersis, quod comes Ladizlaus filius vroch, comes Vduornicorum de Chollokuz, Benedictum filium Mancha, super quadam possesione Torch uocata, ad nostram presenciam legitime citauerat, qui Benedictus ipso primo termino non uenit, sed filium suum mittere pro dilacione facienda curauit, qui non ualens racionem efficacem reddere, cur pater suus ad dictam causam non comparuisset, nec uenisset. Vnde eundem Benedictum vnacum quatuor Judicibus et cum filijs vdvornicorum, generacionibus et socijs suis, in Judicio decreuimus remansisse; et post hec filius suus predictus pro eodem Benedicto patre suo sabbatum proximum ante Domfnicam Ramispalmarum (22. Mart.) terminum peremptorie responsionis ajumpsit; nichilominus eodem die dictus Benedictus omnia instrumenta sua, seu priuilegia, super villa Torch confecta et emanata, si qua habuit, debuit presentare; qui Benedictus ipso termino non uenit, nec misit, nec aliquas litteras suas presentauit et sic terciario, quarto, quinto, sexto et ultimo septimo legitime citatus, contra eundem Ladizlaum non comparuit, nec pro se aliquem mittere curauit, ipso comite Ladizlao in dictis terminis legitime expectante. tandem per nos et per quatuor Judices, a domino Rege deputatos, scilicet comite Jacobo magno de Januk, comite Farkasio de Ogia et Giliano de Karcha, farkasyo filio Chene cum suis generacionibus et cognatis, videlicet comite Chopo, Michaele filio Budo, Marcello filio Tiba, Stephano filio Johannis, taliter extitit iudicatum, quod tota ipsa villa Torch cum omnibus utilitatibus et pertinencijs vniuersis eidem Comiti Ladizlao et per eum suis heredibus, heredumque suorum sucessoribus iure perpetuo cederet possidenda, habenda et tenenda et ad maioris euidencie caucionem cum homine discretorum virorum, uidelicet Capituli Poson. et hominibus predictorum quatuor Judicum, ac suis generacionibus, coram omnibus uicinis et commetaneis suis, nullo penitus contradictore existente, ordinauimus predictam terram rehambulari et eidem Ladizlao

---