Officialibus nostris, pro tempore constitutis, seu procuratoribus decimarum nostrarum quibuscunque, firmiter precipiendo mandamus, quatinus racione predicta ipsas dominas dicti ordinis non presumant aliqualiter molestare, sub nostre dilectionis obtentu et gracie spetialis. In cuius rei memoriam presentes dari fecimus, Sigilli nostri appensione communitas. Datum Strigonij Sabbato proximo ante dominicam oculi nostri, anno domini Millesimo Trecentesimo Nono:
E Nro. 670. - Ed. Fejér Cod. dipl. VIII. I. 347. et iterum 349.
657.
1309. 1. Maii. - Capitulum Poson. Demetrium sacerdotem, Plebanum de Paak ad reambulandas terras Mylenthe et Oleykutha exmittit. - Datum in Octavis b. Georgii.
Fejér Cod. dipl. VIII. I. 342.
658.
1309. 3. Maii. - Capitulum Poson. Margaretham, uxorem Heem de Vilk super dote matris sui sex marcis cum Csesztve convenisse testatur.
A. B. C.
Vniuersis xpi. fidelibus, presentes litteras inspecturis, Capitulum ecclesie Poson. Salutem in salutis actore. Ad vniuersorum noticiam tenore presencium volumus peruenire, Quod constituta personaliter coram nobis domina Margaretha, filia Mortunus, vxor Heem de Wilk, ex vna parte; Cheztue filius Rendue de eadem, ex altera; eadem domina Margaretha est confessa uiua uoce, quod licet mota fuerit materia questionis inter ipsos, super dote scilicet et dotalicijs domine Agnetis, filie Laurencij, matris eiusdem domine, vxoris dicti Mortunus; fratris dicti Rendue, patris eiusdem Cheztue et diu fuissent altercati; ad ultimum tamen, mediantibus probis viris, in talem pacis concordiam deuenissent, quod eadem domina Margaretha a predicto Cheztue racione antedicte dotis sex marcas latorum denariorum Wiennensium, quamlibet marcam cum singulis decem pensis computando, recepisset et haberet, et sic eundem Cheztue et suos successores racione sepedicte dotis reddidit expeditos et omnino absolutos. Obligando se, quod (sic) domina superdicta, quod quicunque processu temporum eundem cheztue, uel suos successores racione sepedicte dotis forsitan conarentur impetere, uel molestare; extunc eadem