664.
1309. 24. Jun. - Thomas Strigon., Petrus Spalatensis, Vincentius Colocensis Archiepiscopi et reliqui Episcopi Castrum Medved Ecclesiae Zagrabiensis "a quibusdam temporibus per manum laicalem transiens" et "tandem ad Marcum Sacerdotem de Venetiis, qui eiusdem Ecclesiae Zagrabiensis Canonicus extitit" devolutum, ac per eum accepta pecunia postestati saeculari traditum querulantur, et Papae adiutorium implorant. - Datum Budae VIII. Kal. Jul. Pont. Clementis PP. V. a. IV.
Farlati Illyr. S. V. 396.; Koller Hist. Episc. Quinqueeccl. II. 245.; Kercselich Hist. Eccl. Zagrab. 70.; Katona Hist. Crit. VIII. 182.; Fejér Cod. dipl. VIII. VII. 63. Extr. ibid. VIII. I. 355.
665.
1309. 24. Jun. - Thomas Archiepiscopus Strigon. Comiti Mike et filiis eius, nobilibus de Zolio in villa ipsorum Lehatha, ob distantiam parochialis ecclesiae de Rodona, capellam cum cimiterio extruendi licentiam concedit. - Datum Strigonii in festo b. Joannis Bapt.
Katona Hist. Crit VIII. 180.; Fejér Cod. dipl. VIII. I. 351. In Dato vel hic vel Nro. praecedenti error latere debet; vix enim Thomas Archiepiscopus uno eodemque die et Budae et Strigonii literas ediderit.
666.
1309. 21. Jul. - Conventus de Szala per Comitem Ladislaum possessionem Terpech, metis a possessione Tapsony distinctam., Ecclesiae Sumegiensi restitutam esse perhibet.
Nos Conuentus Monasterij sancti Adriani de Zala, Memorie commendantes, significamus omnibus, quibus expedit, presencium per tenorem, Quod Comes Ladislaus filius Nicolai, ab vna parte; frater Matheus, miseracione diuina Abbas Monasterij sancti Egidij de Symigio, ab altera, personaliter Coram nobis constituti, confessi sunt viua voce, vt super causa, quam dictus Matheus Abbas racione terre seu possessionis eiusdem eglesie Symigiensis Terpech vocate, quam ipse Comes Ladislaus detinuerat et posszderat vsque modo, mediante arbitrio Gregorij Bani de genere Peech, Comitis pungracij de Synear et Comitis petri de Egyda, pro parte ipsius Comitis Ladislai; Item Magistri Deers de genere Sewr et Comitis dominici filij pertoldi, pro parte