utilitatibus et pertinencijs vniuersis, sub metis prioribus, tum propter seruicia sua premissa, tum in concambium cuiusdam possessionis Nycolai, filij Iwan, in Posega existentis, Lypia uocate, propter magnifestos (sic) excessus eiusdem Nycolai et notam infidelitatis, in quam inciderat, in nostras manus Regias de regni consuetudine deuolute et eidem magistro Alexandro per nos date et collate, tali modo, ut eandem possessionem Lypia ab ipso magistro Alexandro auferre non possemus, nisi eidem dato consimili concambio pro eadem; quam tamen postmodum ipsi Nycolao, filio Iwan, reddendam decreuimus, suos excessus et notam infidelitatis, quam incurrerat, ad peticionem venerabilis patris, domini Wincencij, dei gracia Archiepiscopi Colocensis, Aule nostre Cancellarij et magistri Wgrini, fidelium nostrorum, ac aliorum, ex pietate regia misericorditer remittendo; de mera liberalitate et pura consciencia dedimus, donauimus et contulimus, perpetuo et irreuocabiliter possidendam, tenendam et habendam; tali modo, quod si processu temporis quandocunque dicti Cruciferi, obtenta gracia Curie Romane, offensam eorum emendare, reatumue ipsorum reformare possent, aut Dominus Apostolicus de bonis et possessiouibus ipsorum Cruciferorum Templi aliam ecclesiam construere adiudicauerit, scu dotare et super premissa nostra donacione, eidem magistro Alexandro et suis successoribus facta, processum fuerit, uel per quarumcunque partem super ipsa nostra donacione impeterentur, promittimus huiusmodi inpetitoribus in consimili et equaualenti (sic) concabio (sic) prouidere, Si uero dicti Cruciferi, uel hijs (sic) ad quem possessiones ipsorum Cruciferorum secundum arbitrium Domini pape dcuolutc fuerint, aliud concambium pro ipsa possessione Nekcha recipere nollent ullo modo, restituta eis eadem possessione cum sui iuris plenitudine; prefato magistro Alexandro et suis successoribus de alia possessione et de consimili concambio prouisionem faciemus. Hoc tamen declarato, quod circa premissam collacionem nostram, ipsi magistro Alexandro et suis successoribus factam, Prelatorum et barronum nostrorum consilium habuimus et consensum. Vt autem huius nostre collacionis series robur obtineat perpetue firmitatis, nec possit per quempiam retractari; presentes eidem concessimus litteras, nostri Dupplicis Sigilli munimine roboratas. Datum Bude per manus discreti viri, magistri Jhoannis, prepositi ecclesie Albensis, aule nostre vice Cancellarij, dilecti et fidelis nostri. II. Nonas Septembris, Anno Domini Millesimo Trecentesimo Decimo, Regni autem nostri anno decimo.
Sigillum e rubro et viridi serico pendebat. Orig. in Arch. Aerarii Reg. N. R. A. fasc. 1505. Nr. 12. - Ed. Nagy Cod. Andeg. I. 210.

---