697.
1310. 4. Oct. - Detricus curialis Comes Posoniensis partem terrae Gellye et Obar tribus marcis vendit Petro.
Nos Detricus, curialis comes Posoniensis, memorie commendantes significamus, quibus expedit, vniuersis, quod nos quasdam particulas terre Benedicti, filij Mancha et Jacobi, fratris eiusdem Benedicti et filiorum eorumdem, circa villam Gelye existentem, sub una meta terris filiorum Budo inclusam, cum omnibus utilitatibus; aliam uero particulam terre, Obar uocatam, similiter intra vnam metam filiorum Budo sitam et locatam, cum suis utilitatibus vniuersis, que nobis pro nostris emendis a Benedicto et Jacobo, ac filijs eorum supradictis per quatuor iudices, nobiscum iudicantibus (sic) scilicet comitem Farkasium de Ogya, comitem Luka de karcha, Paulum filium Martini de Borsa et Stephanum filium Serafini, rite et legitime fuerant deuolute, Petro filio Wlche, cognati (sic) Benedicti et Jacobi predictorum, pro tribus marcis denariorum Wiennensium uendiderimus et tradiderimus in filios filiorum irreuocabiliter possidendas, habendas et tenendas. Datum dominica proxima post festum beati Michaelis archangeli, Anno domini M°. C°C°C°. decimo.
E Nr. 706.
698.
1310. 28. Oct. - Conventus Cruciferorum Strig-on. Nrum. 400. transscribit.
Nos frater Nicolaus, magister domus Hospitalis et Conwentus Cruciferorum ecclesie sancti Regis Stephani de Strigonio significamus, quibus presentes ostendentur, vniversis, Quod Honorabilis vir Theophilus, prepositus ecclesie Strigon., nomine suo et vice Honorabilium uirorum, sociorum suorum, Capituli Strigon. ecclesie memorate, ad nostram presenciam personaliter accedens, quasdam litteras Priuilegiales, cum dupplici sigillo domini Andree quondam Incliti Regis Hungarie, nobis exhibere curauit, Petensque idem a nobis diligenter, vt quia propter viarurp discrimina et tempus inpacatum easdem, quo necesse haberent, secum ferre non auderent, nostris inseri litteris et transcribi faceremus, quarum tenor talis est:
Sequitur Nrus. 400.
Nos igitur peticionem dicti Prepositi prehabitam considerantes esse iustam et legitimam, predictas Priuilegiales litteras domini Andree Regis prenotati, non abrasas, non cancellatas, nec in aliqua sui parte viciatas, de uerbo ad uerbum sine additamento et diminucione presentibus transcribi fecimus et