presencium volumus peruenire, Quod constitutus personaliter coram nobis Lenhardus, filius folk de uilla Dobrogoz, sicut dixit, est confessus oraculo uiue uocis, quod ipse paupertate oppressus, medietatem lanei sui, quod uulgo Leyhin nuncupatur, ipsum de iure contingentem, in eadem villa Dobrogoz existentem, prout dixit, cum Agris, Siluis, Aquis, piscinis, Arundinibus, fenetis et vniuersis utilitatibus suis, Mathie, filio Symonis, qui presencialiter aderat, de uilla Gely, et Petro, fratri eiusdem, pro septem marcis denariorum Wiennensium, quamlibet marcam cum singulis decem pensis computando, et maxime racione proximitatis, vendidisset, dedisset et tradidisset, presentibus et bona uoluntate Chozma, Andrea et Wolt, cognatorum suorum permittentibus, in filios filiorum, iure perpetuo irreuocabiliter possidendam, habendam et tenendam; quas septem marcas idem Lenhardus plenarie recepisse et habere est confessus. Obligando se, quod quicunque processu temporum Mathiam et Petrum antedictos racione predicte medietatis lanei uellent forsitan molestare; extunc idem Lenhardus teneretur expedire proprijs laboribus et expensis. In cuius rei testimonium presentes concessimus litteras, sigilli nostri munimine roboratas. Datum in die beati Bartolomei apostoli, Anno domini M°. C°C°C°. Xjo.
Sigillum cum zona avulsum. Orig. in Arch. Cap. Poson. publ. Capsa 14. fasc. 4. Nr. 3.
721.
1311. 26. Aug. - Thomas Archiepiscopus Strigon. nobilibus viris Richor et Zubrata, filiis Comitis Tobiae de Zolio in possessione Zolna capellam aedificare permittit, eamque suae iurisdictioni reservat. - Datum Strigonii feria quinta post festum beati Bartholomaei Apost.
Fejér Cod. dipl. IX. I. 544.
722.
1311. 9. Sept. - Gentilis Cardinalis, Legatus Papae, Civitati Poson. Capellam s. Gothardi e villa Schondorf transferendi, eamque cum ecclesia, noviter construenda, uniendi facultatem concedit, ecclesiamque hanc Custodiatui Poson. annectit.
FRATER Gentilis, miseracione Diuina tituli Sancti Martini in Montibus presbiter Cardinalis, apostolice Sedis Legatus, dilectis in xpo. filijs, Hartlino Judici et Hambatoni, alijs Ciuibus Posoniensibus, Strigon. Dyocesis, Salutem

---