Preposito et Capitulo ecclesie sancti Salvatoris de Posonio, Strigon. Dyocesis, Salutem in Domino. Cum a nobis petitur, quod iustum est et honestum, tam uigor equitatis, quam ordo exigit rationis, ut id per sollicitudinis nostre studium, ad debitum perducatur effectum. Sane petitio uestra, nobis exhibita, continebat, quod venerabilis in xpo. pater, Thomas Archiepiscopus Strigon., pro remedio animarum bone memorie Lodomerij Auunculi sui, et Michaelis Archiepiscoporum Strigon., predecessorum suorum, et pro salute anime quondam Nicolai, fratris sui, propter paupertatem etiam, qua uestra ecclesia sancti Saluatoris ad presens nimium premitur, de consilio et assensu fratrum suorum, Capituli Strigon., donauit perpetuo et irreuocabiliter eidem ecclesie decimam Tributi in Portu Posoniensi, et in Portu Chollou, ad ipsum de iure pertinentem, ita, quod tota illa decima, que de illis tributis prouenit, primo et principaliter diuidatur in partes tres, quarum unam ipsius ecclesie Prepositus recipiet, Duas partes Capitulum, decimam uero illarum duarum partium, quas uos Capitulum recipietis, percipiet Custos eiusdem ecclesie pro se ipso, prout in patentibus litteris, inde confectis, etusdem Archiepiscopi Sigillo munitis, plenius uidimus contineri. Quare nobis humiliter supplicastis, ut donationi, ac ordinationi huiusmodi, confurmationis (sic) nostre robur adicere dignaremur. Nos itaque uestris in hac parte supplicationibus grato concurrentes assensu, quod super hijs ab eodem Archiepiscopo prouide factum est, ratum et gratum habentes, id auctoritate, qua fungimur, confirmamus et presentis scripti patrocinio communimus, tenorem predictarum litterarum de uerbo ad uerbum presentibus inseri facientes, qui talis est:
Sequitur Nrus. 611.
Nulli ergo omnino hominum liceat hanc paginam nostre confirmationis infringere, uel ei ausu temerario contraire. Siquis autem hec attemptare presumpserit, indignationem omnipotentis dei et beatorum Petri et Pauli apostolorum eius se nouerit incursurum. Datum Posonij X. kalendas Septembris, Pontificatus domini Clementis pape V. Anno Sexto.
Sigillum e rubro et flavo serico pendebat. Orig. pulchre exaratum. in Arch. Cap. Poson. priv. Capsa G. fasc. 7. Nr. 160.
720.
1311. 24. Aug. - Capitulum Poson. Leonardum Mathiae et Petro de Gellye medietatem lanei sui in Doborgaz septem marcis vendidisse testatur.
A. B. C.
Vniuersis xpi. fidelibus, presentes litteras inspecturis, Capitulum ecclesie Poson. Salutem in domino sempiternam. Ad uniuersorum noticiam tenore