curialis comitis, in quibus requirebat nos diligenter, quod nos litteras suas patentes, super quadam possessione, in territorio ville feel existente, emanatas, nostris litteris priuilegialibus uellemus confirmare, quarum tenor talis est:
Sequitur Nrus. 731.
Nos uero iustis et legitimis peticionibus dicti comitis annuere volentes, litteras ipsius de uerbo ad uerbum nostris litteris inseri fecimus, nostrique sigilli munimine roborari. Datum in festo beati Thome apostoli, Anno eiusdem (sic) ut supra.
Sigillum integrum e viridi serico pendet. Orig. in Arch. Cap. Poson. publ. Capsa 14. fasc. 6. Nr. 5.
733.
1311. 22. Dec. - Thomas Archiepiscopus Strigon. incolis de Gnezna et Forbaz decimas more Saxonum solvendi et plebanum eligendi facultatem concedit.
Nos Thomas, miseracione diuina archiepiscopus Strigon., eiusdemque loci Comes perpetuus, significamus, quibus expedit, vniuersis presencium per tenorem, Quod nos populis et vniuersis hospitibus de Gynisna et Fyrbaz ex speciali gracia talem graciam concessimus et libertatem, quod ipsi decimas suas soluent ad modum et consuetudinem aliorum Saxonum terre Scepsiensis (sic) et pro decimis porcorum non maiorem, nisi porcellum, seu suellum, habentem viginti dies, uel ad plus triginta. Item quod ipsi plebanum libere eligent, quem nobis presentabunt, Cui, si ydoneus inuentus fuerit, munus confirmacionis inpendemus; pro sustentacione autem eiusdem plebani, ut comode stare possit et eisdem populis sollicite et sagaciter diuina ministrare, ordinauimus terciam partem decimarum proueniencium ex parte eorumdem populorum. Et si quis decimatorum, uel alius quicunque sit, de ipsa tercia parte decimarum preter plebanum et preter consensum eiusdem se intromiserit, excommunicacionis sentenciam contra eundem exnunc, prout extunc proferimus in hijs scriptis, a qua nonnisi per nos, aut per archiepiscopum Strigon. ualeat et possit absolui. In cuius rei testimonium presentes concessimus litteras, sigilli nostri appensione communitas. Datum in Leuche per manus discreti viri, magistri Hernici (sic) prepositi waciensis, Cancellarij nostri, in crastino festiuitatis beati Thome apostoli, Anno domini M°. CCC°. decimo primo.
Sigillum, quod pag. 548. exhibemus, e membrana dependet. Orig. in Arch. Cap. Scepus. priv. Scrin. 10. fasc. 1. Nr. 14.

---