734.
1311. - Clemens PP. V. ad instantiam Stephani Episcopi Vesprimiensis mandat Abbati Montis Pannoniae, "ut negocium decimarum inter Episcopum Vesprim., Thomam Archiepiscopum Strigon. et Abbatem Conventus monasterii de Chala (?) decidat."
Sic Fejér Cod. dipl. VIII. VII. 101.
735.
1312. 13. Jan. - Theophilus Praepositus et Capitulum Strigon. literas Belae IV. Regis pro Capitulo Nitriensi transscribunt. - Datum in octauis epiphaniarum domini.
Nagy Cod. Andeg. I. 246.
736.
1312. 14. Jan. - Thomas Archiepiscopus Strigon. Plebanis Ecclesiarum Sacerdotibus de districtu Tharczensi decimas, a Parochianis debitas, confirmat. Deinde ne Sacerdotes, sicut mercenarii ad annum recipiantur, nec ad alicuius maligni suggestionem elapso anno excludantur, inhibet. Porro omnes, qui bona sacerdotum decedentium surripiunt, ad restituendum ablata admonet et ut "amplius ad talia se nullatenus intromittant." Item inhibet, "ne Laici ad res legatas in testamento pro remedio animarum manus admittant, exceptis legatis ad fabricam Ecclesiae." Tandem Confraternitatem inter eos ordinatam, confirmat, ac indulgentias concedit. - Datum in Leuche in crastino Octavarum Epiphaniae Domini.
Fejér Cod. dipl. VIII. I. 459.
737.
1312. 5. Mart. - Conventus Zoboriensis Conventum s. Benedicti contra Archiepiscopum et Capitulum Strigon., ob violentas occupationes bonorum protestatum fuisse perhibet.
Nos Conuentus Monasterij beati Ypoliti martiris de Zuburio damus pro memoria, quod vir religiosus, frater Ladislaus, Conuentualis ecclesie sancti Benedicti de iuxta gron, in personis domini fratris Johanis abbatis et Conuentus dicti Monasterij sancti Benedicti in nostram veniendo presenciam, nobis per