presencium uolumus peruenire, Quod accedentes ad nostram presenciam Bechk et Jacobus, filij Gregorij de Wilk, petentes nos cum instancia, quod nos litteras priuilegiales magistri Seraphyni prepositi, bone memorie, quondam prelati nostri, super Dote et Quarta emanatas, nostris litteris similiter priuilegialibus uellemus confirmare, quarum quidem tenor talis est:
Sequitur Nrus. 519.
Nos uero iustis peticionibus eorumdem annuentes, easdem litteras de uerbo ad uerbum nostris litteris inseri fecimus, sigilli nostri munimine roborando. Datum in festo beati Barnabe apostoli, Anno domini M°. C°C°C°. duodecimo.
A. B. C
Fragmen sigilli e zona membr. pendet. Orig. in Arch. Cap. Poson. publ. Capsa 14. fasc. 20. Nr. 18. Aliud par ibidem in Arch. privato Capsa C. fasc. 8. Nr. 84.
748.
1312. 23. Jul. - Capitulum Poson. Stephanum de Fel Michaeli de eadem dimidium fundum Curiae tribus marcis vendidisse testatur.
Vniuersis xpi. fidelibus, presentes litteras inspecturis, Capitulum ecclesie Poson. Salutem in domino sempiternam. Ad vniuersorum noticiam tenore presencium volumus peruenire, Quod constituti personaliter coram nobis Stephanus, filius Lotur et Dyonisius, filius Jacobi, qui nondum adhuc habuit pro se respondendi (sic), sed idem Stephanus pro ipso respondit, de villa Feel, sicut dixerunt, ab vna parte; Michael, filius Benkus de eadem, sicut dixit, ab altera; idem Stephanus est confessus oraculo viue uocis, quod ipsi dimidium fundum Curie, ubi nondum restant edificia, inter Curiam Emerici et Gurke existentem, in dicta uilla Feel (habitum) ipsos, sicut dixerunt, hereditarie contingentem, cum utilitatibus suis Michaeli antedicto et per eum suis heredibus, heredumque suorum successoribus, in filios filiorum, iure perpetuo vendidissent, dedissent et tradidissent pro tribus marcis denariorum Wiennensium, quamlibet marcam cum singulis decem pensis computando, irreuocabiliter possidendum, habendum et tenendum. Obligando se, quod quicunque processu temporum ipsum Michaelem, aut suos heredes, heredumque suorum successores racione dicte medietatis fundi Curie uellent forsitan molestare; extunc ijdem Stephanus et Dyonisius, seu filij filiorum suorum tenerentur expedire proprijs laboribus et expensis. In cuius rei testimonium presentes

---