consignando. datum in festo sancti Michaelis archangeli, anno domini M°. C°C°C°. XIj.
Sigillum e rubro et viridi serico pendet. Orig. humore exesum in Arch. Cap. Poson. publ. Capsa 14. fasc. 17. Nr. 9.
751.
1312. 18. Nov. - Frater Nicolaus magister et Conventus Cruciferorum Strigon. super cessione possessionis Vsud, exmisso prius homine eorum, nempe Chytyr sacerdote de villa kyristus, literas edunt in octavis sancti Martini Conf.
Nagy Cod. Andeg. I. 273.
752.
1312. - Carolus Rex donationem suam super possessione Szent-Marton, olim Templariorum, e possessione Nekcse excisa, magistro Alexandro factam, confirmat et possessionem hanc ab omni praestatione penitus eximit.
Karolus, dei gracia Hungarie, Dalmacie, Croacie, Rame, Seruie, Gallicie, Lodomerie, Comanie, Bulgarieque Rex, Omnibus xpi. fidelibus, presentibus pariter et futuris, presentem paginam inspecturis, Salutem in omnium saluatore. Qui boni sunt in suis fidelitatibus et seruicijs, condecet eos bonam remuneracionem obtinere et qui fideliter Regie celsitudini se offerunt, dileccionem cum remuneracione perpetua debent adhibere. Proinde ad vniuersorum noticiam harum serie uolumus peruenire, Quod consideratis fidelitatibus et seruiciorum meritis dilecti et fidelis nostri, magistri alexandri, filij comitis alexandri de Lypolth, Generis Aba, que nobis in nostris felicibus processibus et aduersis exhibuit et inpendit, videlicet a tempore nostre pubertatis, seu puericie, ex quo ad gubernaculum serenissimi regiminis hungarici uenimus, domino concedente, idem magister alexander periculum sui capitis non formidans, destruccionem suarum possessionum, seu deuastacionem non pauesscens, nec preciosis blandicijs, nec diuersis minis quorumdam Barronum nostrorum infidelium inclinatus, ymo atrocibus fortune casibus se committens, totoque animo nostre serenitati adherens, se fidelem exhibuit indefesse et specialiter dum filius Regis Boemie ex quorumdam nostrorum infidelium consilio contra nostram maiestatem accedendo, gubernaculum culminis hungarici obtinere

---