sub appensione sigilli nostri duximus concedendas. Datum Posonij feria quarta post Dominicam Inuocauit, Anno domini M°. C°C°C°. tredecimo.
Sigillum ovale e zona dependens, praelatum in throno sedentem, mitra et baculo ornatum ac dextra benedicentem exhibet. E perigraphe detrita solum S. THO.....O. Archiepi visitur. Orig. pulchre exaratum in Arch. Cap. Strig. publ. Capsa 18. fasc. 3. Nr. 2. - Ed. Fejér Cod. dipl. VIII. VII. 104.
758.
1313. 7. Mart. - Capitulum Scepusiense Henricum Praepositum Michoviensem Ord. Cruciferorum s. Sepulchri pro villa Landek magistris Kakas et Joanni villam Komlós in cambium dedisse testatur.
Capitulum Ecclesie Beati Martini de Scepus, Omnibus xpi. fidelibus etc.[604] Quoniam memorie nouercatur obliuio etc.[605] Proinde ad vniuersorum noticiam etc.[606] Quod constitutus personaliter in nostri presencia frater Herricus, Canonicus hierosolimitanus et prepositus Mechouiensis de Polonia, pro se et pro fratribus suis ex vna parte, Kokos et Johannes magistri, filij quondam Comitis Rykolphi, ex altera, Idem frater Herricus confessus est coram nobis, Quod possessionem suam, Komlos vocatam, in districtu Saros existentem, kokos et Johanni predictis in Concambium dedisset, donasset et contulisset, sub isdem metis et terminis, eodemque Jure et libertate, quibus Rex Andreas, pater Bele Regis, felicis recordacionis, ob remedium anime sue Sepulcro domini ad Terram sanctam Jerosolimitanam[607], cum omnibus vtilitatibus suis et pertinencijs, in filios filiorum suorum, Jure hereditario perpetue possidendam pariter et habendam; pro qua quidem possessione Komlos, kokos et Johannes prefati possessionem ipsorum, landek vocatam, cum siluis, pratis, rubetis, molendinis, ceterisque Vtilitatibus vniuersis et pertinencijs suis, eidem Fratri Herrico cum fratribus suis et successoribus eiusdem, dederunt et contulerunt, similiter perpetuo possidendam. Cuius quidem Possessionis landek mete hoc ordine distinguuntur: Prima meta incipit in fluuio Bela et currit supra per eundem fluuium vsque ad lapidem, Hasthorn vocatum; deinde tendit vsque fluuium Prybcch, vbi mete Heynus et Hermanni se contingunt; et deinde vadit vsque ad metas ville Byrborn et circuit iterum ad fluuium Bela predictum, vbi terminantur mete; tali eciam condicione mediante, Quod quicunque ipsum fratrem Herricum, fratres uel successores suos, racione predicte possessionis

[604] Exmissum: "quibus presentes ostendentur, salutem in omnium Saluatore."

[605] "dignum est, vt acta temporalia scripture patrocinio fulciantur."

[606] "harum serie volumus peruenire,"

[607] Emansit verbum.