landek inquietare seu Impedire attemptaret, Idem Magister kokos vel heredes sui tenerentur expedire proprijs laboribus et expensis.[608] In cuius rei memoriam, firmitatemque perpetuam, ad instanciam parcium, presentes concessimus litteras, Sigilli nostri munimine roboratas. Datum feria quarta proxima post dominicam Inuocauit, Anno domini Millesimo Tricentesimo Tredecimo.
E transsumpto eiusdem Capituli a. 1549. In Arch. Prim. Sec. Lad. U. fasc. 5. Nr. 112. - Exmissis metis ed. Wagner Analecta Scepus. I. 398. et Fejér Cod. dipl. VIII. I. 527.
759.
1313. (ante 11. Mart.) - Comes Aegidius Monoszlói testamentum condit.
Anno ab incarnacione domini M°. CCC°. tredecimo. Nos magister Egidius, filius magistri Gregorij, positus in graui egritudine, tamen adhuc compos mentis nostre, tale condidimus testamentum: Primum ob remissionem nostrorum peccaminum et ut per merita beati Adalberti, cuius patrocinium flagitamus, nostra deleantur delicta, hereditatem nostram, sitam circa morosium, nomine noglok wocatam, cum omnibus suis attinencijs, Legamus ecclesie sancti Adalberti, in Monte Strigon. edificate. Item aliam hereditatem nostram, Zond wocatam, legauimus Philippo, Genero nostro, filio magistri Lauren(cij) et filio Philpus, cum omnibus suis attinencijs. Item aliam nostram hereditatem, Ochynam nuncupatam, partem contulimus nostre consorti et partem nostris filiabus orphanis. Item eciam hereditatem nostram, Rupol dictam, diuidendo, partem vnam contulimus Sponso nostro, magistro nicolao, filio magistri Laurencij, dicti de Nyeek, partem autem aliam contulimus cognato nostro, magistro Nicolao, filio Omodei. De Phylek autem inPosterum sumus ordinaturi. Acta autem sunt hec coram viris Religiosis in domo fratrum Minorum de Tyrna, videlicet ad sanctum Jacobum, coram Gardiano Rolando domus prenotate, et fratre Stephano predicatore et Ceteris fratribus eiusdem Conuentus, coramque plebano Georgio eiusdem Ciuitatis, ac eciam Ciuibus subscriptis, videlicet Ypolito paruuo (sic) et Herbordo, qui fuerunt de duodecim coniuratis. In cuius rei testimonium presentem paginam munimine nostri Sigilli, ac eciam dicti plebani duximus roborandam.
E Nro. 760. - Ed. Fejér Cod. dipl. VIII. I. 524. Tum extr. VIII. VII. 105., sed hic iam literas testimoniales appellat quondam Aegidii de Heredet!

[608] Wagner et Fejér hic sequentia addunt: "Item idem magister Kokoss assumpsit Ecclesiam B. Nicolai in Landek cum omnibus reditibus suis et prouentibus liberare ab omni debito Domini Praepositi."