Zaz existentem, ... cum fundo curie, ceterisque utilitatibus suis vniuersis, prout dixit, eidem Johanni et per eum suis heredibus, he(redumque suorum) successoribus, cum permissione et bona uoluntate omnium cognatorum et vicinorum suorum, pro quatuordecim marcis denariorum Wiennensium, singulam marcam cum singulis decem pensis computando, plene ab eodem receptis, et maxime racione proximitatis, uendidisset, dedisset et tradidisset, iure perpetuo in filios filiorum irreuocabiliter predictas porciones possidendas, habendas et tenendas. Obligando se, quod quicunque processu temporum eundem Johannem, aut suos heredes, heredumque suorum successores racione dictarum porcionum uellent forsitan molestare; extunc idem Leupoldus et filius suus supradictus tenerentur expedire proprijs laboribus et expensis cum omnibus successoribus eorumdem. In cuius rei testimonium presentes concessimus litteras, sigilli nostri munimine roboratas. Datum in festo beate Petronelle virginis, Anno domini M°. C°C°C°. XIII°.
A. B. C.
Sigillum cum zona avulsum. Orig. lacerum in Arch. Cap. Poson. publ. Capsa 14. fasc. 17. Nr. 43.
767.
1313. 10. Jun. - Capitulum Strigon. Nrum. 182. hic transscriptum, per Thomam Archiepiscopum confirmatum esse perhibet.
Theophilus, prepositus sancte Strigon. ecclesie et Capitulum loci eiusdem, Omnibus xpi. fidelibus, presentem paginam inspecturis, Salutem in salutis largitore. ad vniuersorum noticiam, presencium et futurorum, harum serie volumus peruenire, quod venerabilis in xpo. pater, dominus Johannes, dei gracia Episcopus Nitriensis et discreti viri, Capitulum videlicet loci eiusdem, Primo litteras Sanctissimi patris, domini lucij tercij, condam sancte romane ecclesie sumpmi pontificijs, felicis recordacionis, confirmatorias; deinde litteras venerabilis patris, domini Lodomerij, condam Strigon. archiepiscopi, bone memorie, super decimis quarumdam villarum, inferius nominatarum, collatis olym Episopo et Capitulo Nitriensi, videlicet ville Prezmdch, ville Bossan et ville kernewch, Item super quartis ecclesiarum de Tapolchan, cuius matrix est ecclesia sancti Martini prope Nitriam de Sys, et de korus, ac filiarum suarum, venerabili in xpo. patri, domino Thome, miseracione diuina archiepiscopo Strigon., locique eiusdem Comiti perpetuo, domino nostro reuerendo, exhibere curauerunt, Petentes eundem coram nobis, vt easdem ratas haberet et acceptas et in suo vigore sineret permanere. Tenor autem litterarum papalium talis est:

---