Gregorius filius Alexandri de Takachij, de districtu Jaurien., sicut dixit, ab una parte; Matheus filius Johannis de Vzur de Districtu Poson., ab altera; idem Gregorius est confessus, oraculo viue uocis, quod ipse propter necessitatem ipsius preeminentem, quandam ancillam suam hereditariam, nomine Margaretam, que se in nostra presencia ancillam hereditariam eiusdem Gregorij asseruit, Matheo antedicto et per eum suis heredibus, heredumque suorum successoribus pro triginta sex pensis denariorum, plene ab eodem receptis, uendidisset, dedisset et tradidisset iure perpetuo irreuocabiliter possidendam, habendam et tenendam. Obligando se, quod quicunque processu temporum eundem Matheum, aut suos heredes, heredumque suorum successores racione dicte Ancille uellent forsitan molestare; extunc Gregorius supradictus cum suis heredibus, heredumque suorum successoribus tenerentur expedire proprijs laboribus et expensis, sicut ad hoc se coram nobis obligauit. In cuius rei testimonium presentes concessimus litteras, sigilli nostri munimine roboratas. Datum in festo beati Vrbani pape, Anno domini M°. C°C°C°. quindecimo.
A. B. C.
Sigillum integrum e rubro serico pendet. Orig. pulchre exaratum in Arch. Cap. Poson. publ. Capsa 14. fasc. 23. Nr. 30.
803.
1315. 15. Jun. - Capitulum Poson. villanos de Pruch asseruisse perhibet, Ecclesiae de eadem per Comitem Belye medium laneum donatum et donationem hanc per Comitem Carolum dominum eiusdem villae, approbatam esse.
A. B. C.
Vniuersis Xi. fidelibus, presentes litteras inspecturis, Capitulum ecclesie Poson. salutem in domino sempiternam. Ad uniuersorum noticiam tenore presencium volumus peruenire, quod accedentes ad nostram presenciam discretus vir Henricus plebanus de Pruk, Wernhardus, Altmannus, Leupoldus, Nicolaus et Leupoldus villani de eadem, pro se et pro omnibus in dicta villa existentibus, sunt confessi oraculo uiue vocis, quod quedam particula medij lanei, Duodecim iugera terrarum arabilium continens, inter terras dicte ville Pruk existens, per Belye comitem Hospitum in retroactis temporibus, pro constructura ecclesie sancti Thome de eadem villa Pruk et deffectibus eiusdem meliorandis ac emendandis, in perpetuam elemosinam esset data et donata; Ita quod sacerdos, in eadem Ecclesia pro tempore existens, nullum, ius de dicta terra penitus habere dinosceretur, sed simpliciter ecclesie sancti Thome,

---