ut prediximus, iure perpetuo esset collata et donata; quam quidem donacionem karulus filius comitis karuli de Pruk, dominus eiusdem Possessionis, pro . animabus parentum suorum et sua in nostri personaliter conparendo presencia, animo beniuolo consensit et admisit, et contulit eidem ecclesie sancti Thome in nostri presencia iure perpetuo supradictam particulam terre irreuocabiliter possidendam, habendam et tenendam. In cuius rei testimonium presentes concessimus litteras, sigilli nostri munimine roboratas. Datum in festo beatorum Viti et modesti martirum, Anno domini M°. C°C°C°. quindecimo.
Sigillum e viridi serico pendebat. Orig. in Arch. Cap. Poson. publ. Capsa 63. fasc. 5. Nr. 3.
804.
1315. 24. Jun. - Capitulum Strigon. iura et obligationes iobagionum suorum de villa Ormeny enumerat.
Theophylus prepositus et Capitulum ecclesie Strigoniensis Vniuersis, presentes litteras inspecturis, salutem in omnium saluatore. Ad vniuersorum noticiam, tam presencium, quam futurorum, harum serie uolumus peruenire, Quod quia terra, seu villa nostra Ermen comuniter nominata, prope ecclesiam sancte Anne existens, per abusum potencie laicalis omnino fuerat habitatoribus destituta et pariter desolata et postmodum homines, seu iobagiones nostri denuo seu de nouo super eandem causa commorandi descendentes, pro danda eis libertate postulando instantissime nobis supplicarunt; nos ipsorum iustis peticionibus uoto unanimi et mansuetudine consueta inclinati, hanc libertatem, que in subscriptis plene et singillatim exponetur, eisdem duximus concedendam; quod:
Primo et principaliter iudicium ipsorum immediate pertinet ad nos et prepositum nostrum, preter sanguwis effusionem, quod comittitur ab ipso preposito, de nostra tamen conniuencia, officiali nostro, pro tempore constituto.
Item si ijdem iobagiones nostri habebunt causam inter se, iuramentum unius contra alium pro dimidia marca acceptatur.
Item si ijdem causam habebunt cum populis nobilium, seu Ciuibus, aut hospitibus de Strigonio; cum duobus, uel tribus tantum suis conuillanis, aliarumque villarum nostrarum populis et nequaquam alterius domini iobagionibus se iustificare tenebuntur.
Item si quispiam de Ciuitate Strigoniensi aliquam haberet accionem contra eosdem populos nostros et non posset accionem suam de eisdem comprobare; sed relinqueret parti aduerse super hoc se emendare; ita pro