uisum est, ut stetur litteris dicti domini Bonifaci et pocius ius predicte domine habere dinoscantur et de suis possessionibus ad soluendum decimas nullatenus teneantur, prout eis a sede apostolica est indultum; parti autem aduerse silencium duximus imponendum, ne contraueniendo, in sentenciam excommunicacionis, in ipsis litteris apostolicis contentam, incurrant. In cuius rei testimonium presentes appensione sigilli nostri fecimus communiri. Datum Strigonij in vigilia amunciacionis (sic) beate virginis, Anno domini Millesimo Trecentesimo Sedecimo.
Sigillum pag. 548. exhibitum e zona membr. pendet. Orig. in Arch. Aerarii Reg. Acta Mon. Bud. fasc. 15. Nr. 8. - Comes Ladislaus de Palocz Iudex Curiae ad preces Augustini litterati de Gywla procuratoris "Sanctimonialium Claustri Beate Margarethae Virginis de Insula leporum" transscribit a. 1464. Orig. ib. Acta Mon. Poson. fasc. 42. Nr. 8. - Ed. Fejér Cod. dipl. VIII. VI. 39.
818.
1316. 10. Maii. - Capitulum Poson. Stephanum de Súr super dote sororis suae decem marcis excontentatum testatur.
A. B. C.
Vniuersis xpi. fidelibus, presentes litteras inspecturis, Capitulum ecclesie Poson. Salutem in domino sempiternam. ad vniuersorum noticiam tenore presencium uolumus peruenire, Quod Stephano filio Pintik de Sur, sicut dixit, ab una parte; domina Katherina relicta Farkasij, filij Chene, pro se et pro filijs suis, uidelicet Nicolao, Johanne, Laurencio et Michaele, ab altera; coram nobis personaHter constitutis, sunt confessi oraculo uiue uocis, quod licet mota fuisset materia questionis inter ipsos super Dote et Dotalicijs domine Rosa, filie Pintik, sororis Stephani predicti, quondam uero consortis Farkasij, filij Chene antedicti, patris Nicolai, Johannis, Laurencij et Michaelis predictorum, et sic inter se fuissent altercati; ad ultimum tamen, mediantibus probis viris, in talem pacis unionem deuenissent, quod idem Stephanus a domina Katherina et de filijs suis supradictis decem marcas racione dicte dotis et dotaliciorum plenarie recepisset et haberet, et sic eandem dominam cum filijs suis sepedictis de predicta dote et dotalicijs reddidit liberos et omnino expeditos. Obligando se, quod quicunque processu temporum eandem dominam Katherinam et filios suos sepe nominatos, aut eorum successores racione dicte Dotis et Dotalicioium uellent forsitan molestare; extunc idem Stephanus et sui cognati, aut eorum successores tenerentur expedire proprijs laboribus et expensis. In cuius rei memoriam presentes concessimus litteras, sigilli nostri

---