parte, et Wenerabilis pater, dominus Johannes, dei gracia Episcopus Nitriensis et comes perpetuus loci eiusdem, ex altera, coram nobis personaliter constituti, idem Stephanus (tota)lem possessionem suam, Zeuleus uocatam, in prefato comitatu constitutam, ipsum scilicet hereditario iure et empticio contingentem, cum suis utilitatibus et pertinencijs vniuersis, sub antiquis metis et terminis, vicinorum suorum, videlicet Wenerabilis patris, domini Thome, dei gracia archiepiscopi Strigon., locique eiusdem comitis perpetui, ac Stephani, fili Stephani, nobilis de Harchan, permissione, licencia et consensu, dixit et confessus est, se ex deuocione speciali, quam ad beatum Zoerardum martirem habere se dicebat, ob sue remedium et parentum suorum animarum pro salute, eidem Wenerabili patri et per eum sue ecclesie, ac episcopatui dedisse, donasse et assignasse perpetuo, ac irreuocabiliter possidendam et tenendam. Cui quidem possessioni sic donate a parte meridionali et occidentali terra archiepiscopatus Strigon., Sceleus nuncupata, a parte uero Septemtrionali et orientali, prout Stephanus, filius alberti et Stephanus, filius Stephani, superius nominati, nobis retulerunt, possessio sepefati Stephani, Harchan dicta, circumquaque vicinantur. In cuius rei memoriam et perpetuam firmitatem presentes ad peticionem Stephani, fili alberti sepefati, eidem domino Johanni, sigilli nostri appensione dedimus communitas. Datum In uigilia beati Johannis baptiste, Anno domini M°. Trecentesimo Sexto decimo.
Sigillum e viridi et flavo serico pendebat. Orig. pulchre exaratum in Arch. Episc. Nitr. J. E. I. fasc. 4. Nr. 9.
821.
1316. 22. Jul. - Thomas Archiepiscopus Strigon. contra Scepusienses Canonicos non residentes Nrum. 654. denuo publicat.
Nos Thomas, miseracione diuina archiepiscopus Strigon., eiusdemque loci Comes perpetuus, Significamus, quibus expedit, vniuersis, presencium per tenorem, Quod Honorabilis uir et discretus magister Herricus, prepositus Scepusiensis, Cancellarius noster, in presencia religiosi uiri et deo deuoti, fratris Pauli, quondam prepositi eiusdem ecclesie, antecessoris sui, expressit nobis et exhibuit litteras reuerendi patris, domini Gentilis, dei gracia tituli sancti Martini in montibus presbiteri quondam Cardinalis, apostolice sedis legati, per eundem fratrem Paulum, tunc prepositum, inpetratas contra Canonicos ecclesie sue, residenciam non facientes, qui sine procuratore et uicario prouentus Canonicales perceperunt et percipiunt, contra sentenciam excommunicacionis, per eundem dominum legatum in tales promulgatam, tali modo, ut Nisi infra mensem ad ecclesiam redeant ad officium solitum exhibendum,

---