829.
1317. 25. Febr. - Joannes PP. XXII. detentores bonorum Ecclesiae Poson. per Praepositum Strigon. ad restitutionem stringi iubet.
Johannes Episcopus, seruus seruorum dei, dilecto filio ... preposito ecclesie Strigon., Salutem et apostolicam benediccionem. Dilectorum filiorum, ... prepositi et Capituli ecclesie Posoniensis, Strigon. Diocesis, precibus inclinati, presencium tibi auctoritate mandamus, quatenus ea, que de bonis ipsius ecclesie alienata inueneris illicite, uel distracta, ad ius et proprietatem eiusdem ecclesie legittime reuocare procures; contradictores per censuram ecclesiasticam, apellacione postposita compescendo. Testes autem, qui fuerint nominati, si se gracia, odio, uel timore subtraxerint; censura simili, apellacione cessante, compellas veritati testimonium perhibere. Datum Avinione quinto kalendas Marcij, Pontificatus nostri anno primo.
E transsumpto Capituli Strigon. a. 1325. 29. Jan. In Arch. Cap. Poson. priv. Capsa F. fasc. 1. Nr. 12.
830.
1317. 15. Mart. - Capitulum Poson. Petrum de Bács Sebastiano plebano de Szent-György, ac Joanni fratri suo dimidietatem Curiae suae decem marcis vendidisse affirmat.
Universis xpi. fidelibus, presentes litteras inspecturis, Capitulum ecclesie Poson., salutem in salutis largitore. Ad uniuersorum noticiam Volumus peruenire, Quod constituti personaliter coram nobis, Petrus filius Nicolai de villa Boch ab una parte; Discretus vir et honestus Sebastianus, plebanus ecclesie sancti Georgij, pro se et pro Johanne fratre suo ab altera; idem Petrus est confessus oraculo uiue vocis, quod ipse racione necessitatis sue dimidietatem curie sue, in eadem villa Boch existentem, cum tredecim iugeribus terrarum, et cum alijs utilitatibus, ad ipsam dimidiam curiam spectantibus, in quibuscunque eadem dimidietas Curie habere dinoscitur, ipsum hereditarie contingentem, eidem Sebastiano plebano, et Johanni fratri suo, et eorum successoribus cum permissione et bona uoluntate omnium cognatorum et vicinorum suorum, videlicet Johannis filij Petri, Michaelis et Nicolai filijs Benedicti, et Benedicti filij Budou de eadem, qui presencialiter aderant, comparentibus et respondentibus pro omnibus fratribus et cognatis suis absentibus, pro decem marcis denaryorum Wyennensium, quamlibet marcam cum singulis decem pensis conputando, plene ab eisdem receptis et integre, uendidisset, dedisset et tradidisset, iure perpetuo irreuocabiliter possidendam, habendam et tenendam; Obligando se, quod quicunque processu temporum eundem Sebastianum

---