plebanum et fratrem suum predictum, ac eorum consanguineos et successores, racione predicte dimidietatis Curie et utilitatis eiusdem, uellet forsitan molestare; extunc idem Petrus cum supradictis cognatis et generacionibus suis, ac eorum successoribus teneretur expedire proprijs laboribus et expensis. In cuius rei testimonium presentes concessimus litteras, sigilli nostri munimine roboratas. Datum feria tercia proxima post festum beati Gregorij Pape, Anno domini M°. CCC°. Decimo septimo.
A. B. C.
Sigillum integrum e rubro et flavo serico pendet. Orig. pulchre exaratum in Arch. Cap. Poson. publ. Capsa 14. fasc. 2. Nr. 16.
831.
1317. 18. Mart. - Frater Mauritius de Ordine Praedicatorum, filius Demetrii Bani, filii Ugud de genere Chaak, venditioni possessionis Tornua consentit "auctoritate litterarum apostolicarum, fratribus eiusdem ordinis graciose concessarum, vt de hereditarijs possessionibus disponendi habeant facultatem, quarum transumptum sub sigiilo venerabilis patris Thome, miseracione diuina Archiepiscopi strigon." coram Capitulo Vesprimiensi exhibuit. - Datum 15. Kal. Aprilis.
Nagy Cod. Andeg. I. 417.
832.
1317. 8. Apr. - Capitulum Poson. Catharinam ratione dotis suae a fratribus mariti sui defuncti sex marcas recepisse testatur.
Vniuersis xpi. fidelibus, presentes litteras inspecturis, Capitulum ecclesie Poson., Salutem in domino sempiternam. Ad vniuersorum noticiam tenore presencium volumus peruenire, Quod domina Katha, filia Syke de Abany, sicut dixit, ab una parte; Johanne et Nicolao, filijs Lugijr, pro se et pro Michaele fratre ipsorum, ab altera, coram nobis personaliter constitutis, sunt confessi oraculo uiue uocis, quod licet mota fuisset materia questionis inter ipsos, super dote et dotalicijs dicte domine Katha, relicte Pauli, fratris antedictorum Johannis, Nicolai, et Michaelis et sic inter se fuissent aliqualiter altercati, ad ultimum tamen, mediantibus probis viris, in talem pacis vnionem deuenissent, quod predicta domina Katha, racione dotis sue, ipsam de iure contingentis, et rerum parafarnalium sex marcas, cum dimidia recepisset,

---