innouamus et eciam confirmamus. In cuius rei memoriam, perpetuamque firmitatem presentes concessimus litteras, duplicis sigilli nostri munimine roboratas. Datum per manus discreti viri, magistri Jo(annis), Albensis ecclesie Prepositi, aule nostre vicecancellarij et Archidiaconi Kukullensis, dilecti et fidelis nostri. IIII°. Nonas Nouembris, Anno Domini M°. C°C°C°. decimo septimo, Regni autem nostri Anno similiter decimo septimo.
Sigillum e rubro et flavo serico pendebat. Orig. pulchre exaratum, in Arch. Cap. Poson. priv. Capsa C. fasc. 7. Nr. 73.
844.
1317. 2. Nov. - Carolus I. Rex Nrum. 307. transscribit.
Karolus, dei gracia Vngarie, Dalmacie, Croacie, Rame, Seruie, Gallicie, Lodomerie, Comanie, Bulgarieque Rex, Omnibus, presentem paginam inspecturis, Salutem in omnium Saluatore. Ne quid plenitudinis desit operibus pietatis, expedit, vt principis presidentis benigna consideracio opus inchoatum ad diuini cultus incrementum stabili rerum confirmacione perficiat; Dum enim Regalis benignitas sacrosancte matri ecclesie donata, muniminis beneficio firmat, cum ad eiusdem subleuacionem pio intendit affectu; sacrificium Deo ymolat acceptabile et placatissimum domino perficit holocaustum. Proinde ad vniuersorum noticiam harum serie wolumus pervenire, Quod magister Thomas, Custos Poson., nomine et Vice Capituli eiusdem Poson., ad nostram accedens presenciam, exhibuit nobis priuilegium excellentissimi domini Ladizlai, dei gracia Regis vngarie, felicis recordacionis, confirmatum per Illustrem principem andream Regem, bone memorie, predecessorem nostrum, super facto possessionum, siue villarum Flecendorf et Zelench uocatarum, petens a nobis cum instancia, vt ipsum ratum habere et nostro dignaremur priuilegio confirmare. Cuius tenor talis est:
Sequitur Nrus. 307. pag. 305.
Nos igitur peticionibus dicti Capituli ecclesie Poson., per ipsum magistrum Thomam nobis porrectis, fouorabiliter inclinati, quia benignis auribus modesta peticio displicere non debet, quin ymo ad exaudicionis graciam admitti meretur, dictum priuilegium, de uerbo ad uerbum presentibus inseri facientes, non abrasum, non cancellatum, non abolitum, nec in aliqua sui parte viciatum, ratificamus, approbamus et testimonio presencium innouamus et eciam confirmamus. In cuius rei memoriam, perpetuamque firmitatem presentes concessimus litteras, duplicis sigilli nostri munimine roboratas. Datum per manus discreti viri, magistri Johannis, albensis ecclesie Prepositi, Aule nostre vicecancellarij et Archidiaconi kukullensis, dilecti et fidelis nostri.

---