IIII°. Nonas Nouembris, Anno Domini M°. C°C°C°. XVII°. Regni autem nostri anno similiter XVII°.
Extus: Confirmacio cum antiquo sigillo domini Regis karoli, super terra Zelench, fracto et abolito per regem et regnum. - Sigillum e flavo et violaceo serico pendebat. Orig. in Arch. Cap. Poson. priv. Capsa C. fasc. 6. Nr. 66.
845.
1317. 2. Nov. - Carolus I. Rex transscribit et confirmat Nrum. 813.
KArolus, Dei gracia Hungarie, Dalmacie, Croacie, Rame, Seruie, Gallicie, Lodomerie, Comanie, Bulgarieque Rex, Omnibus Xi. fidelibus, presentem paginam inspecturis, Salutem in omnium saluatore. Ne quid plenitudinis - ut Nro. 843. Proinde ad vniuersorum noticiam harum serie wolumus peruenire, Quod magister Thomas, Custos Poson., nomine et vice eiusdem Capituli Poson., ad nostram accedens presenciam, exhibuit nobis litteras venerabilis patris, domine Thome, dei gracia sancte Strigon. ecclesie archiepiscopi, locique eiusdem comitis perpetui et honorabilium virorum, Capituli loci eiusdem super piscaturis Zoruoserem, Semkethekuta et kurtueles vocatis et alia piscatura Cheuzveyz apellata, ex donacione Bele Regis habitis, felicis recordacionis et per Illustrem Regem Ladizlaum confirmatas; petens a nobis cum instancia, ut ipsas ratas habere et nostro dignaremur priuilegio confirmare. Cuius tenor talis est:
Sequitur Nrus. 813.
Nos igitur peticionibus dicti magistri Thome custodis poson. et Capituli eiusdem, per ipsum magistrum Thomam nobis porrectis, fauorabiliter inclinati, quia benignis auribus modesta peticio displicere non debet, quin ymo ad exaudicionis graciam admitti meretur; dictas litteras priuilegiales de uerbo ad uerbum, non abrasas, non cancellatas, non abolitas, nec in aliqua sui parte viciatas, presentibus inseri facientes, ratificamus, approbamus et testimonio presencium innouamus et eciarrf confirmamus. In cuius rei memoriam, perpetuamque firmitatem presentes concessimus litteras, dupplicis sigilli nostri munimine roboratas. Datum prope kamarun per manus discreti viri, magistri Johannis, albensis ecclesie Prepositi, aule nostre vice Cancellarij et archidiaconi kukullensis, dilecti et fidelis nostri, quarto Nonas Nouembris, Anno domini Millesimo C°C°C°. decimo septimo, Regni autem nostri anno similiter decimo septimo.
Extus: priuilegium domini regis karoli cum sigillo priori super possessione kurth. - Sigillum e flavo et violaceo serico pendebat. Orig. pulchre exaratum in Arch. Cap. Poson. priv. Capsa C. fasc. 1. Nr. 2.

---