irreuocabiliter possidendum, habendum et tenendum. Obligando se, quod quicunque processu temporum eundem magistrum Johannem, aut cuicunque vel quibuscunque ipse daret, uel legaret, racione predicti census uellent molestare; extunc eadem domina katherina et Georgius filius suus, seu filij filiorum suorum tenerentur expedire proprijs laboribus et expensis. In cuius rei testimonium presentes concessimus litteras, sigilli nostri munimine roboratas. Datum in vigilia Epiphaniarum domini, Anno domini M. CCC. decimo Octauo.
A. B. C.
Fragmen sigilli e zona membr. pendet. Orig. humore corruptum vix amplius legibile in Arch. Cap. Poson. publ. Capsa 14. fasc. 12. Nr. 9.
849.
1318. 13. Jan. - Cruciferi Strigon. transscribunt Tomi I. Nrum. 553.
Nos frater Nicolaus magister et vniuersi fratres cruciferorum domus hospitalis ecclesie sancti Stephani Regis de Strigonio, memorie commendantes, significamus tenore presencium, quibus expedit, vniuersis, Quod vir discretus magister Mychael, Archydiaconus Kamariniensis (sic), ad nostram presenciam personaliter accedens, vice et nomine domini Thome Archiepiscopi Strigon., eiusdemque loci Comitis perpetui, proposuit nobis in hunc modum, quod licet idem dominus archiepiscopus ad demonstrandum metas cuiusdam terre, seu possesionis ecclesie sue Strigon., Wodkert vocate, quoddam priuilegium Bele regis, felicis memorie, exinde confectum, ad faciem ipsius possessionis transmittere haberet necessario; tamen quia ipse dominus Archiepiscopus personaliter inibi ista uice propter alia ardua negocia sua et ecclesie sue non posset, et propter uiarum discrimina per suum officialem ipsum priuilegium in specie inibi transmittere formidaret; Idcirco pecijt nos idem Archydiaconus uerbo dicti domini Archiepiscopi diligenter, ut tenorem ipsius priuilegij de uerbo ad uerbum rescribi sub nostro sigillo faceremus, sub quo inibi transmittere posset et valeret. Cuius quidem priuilegij[616] talis est:
Sequitur Tom. I. Nrus. 553. pag. 422.
Nos igitur peticionibus predicti domini Archiepiscopi diligenter inclinati in hac parte, cognos.vcentes prefatum priuilegium non abrasum, non cancellatum, nec in aliqua sui parte viciatum seu suspectum, de uerbo ad uerbum transscribi, cognita ipsius veritate, facientes, sigilio nostro ad cautelam fecimus consignari, vt in ipso rescripto dictum priuilegium ad faciem memorate possessionis

[616] Emansit: tenor.