852.
1318. 29. Mart. - Thomas Archiepiscopus Strigon. discretis viris Petro, Thyboldo et magistro Johanni Longo Canonicis Poson., dat "licenciam tamquam dyocesanus et prelatus ipsorum, promouendi ad sacros ordines a quocunque Episcopo, usque octauas Pentecostes poterunt promoueri. Datum Strigonij feria quarta post dominicam oculi mei."
Magyar Sion. VI. 457.
853.
1318. 30. Apr. - Capitulum Poson. dominam Lilium de Nadasd viginti duo Jugera terrae, eidem per Paulum pro morte patris suae cessa, eiusdem filiis pro tribus marcis remittit.
A. B. C.
Vniuersis xpi. fidelibus, presentes litteras inspecturis, Capitulum ecclesie Poson. salutem in domino sempiternam. Ad vniuersorum noticiam tenore presencium volumus peruenire, Quod constituta personaliter coram nobis Lilium, filia Iwan de Nadost, de prouincia Challokuz, pro se et pro tribus filijs suis, videlicet Johanne, Andrea et Thoma, in tenera etate constitutis, prout dixit, ab vna parte; Nicolaus, filius Pauli, filij Moch, similiter de Chollokuz, ab altera; eadem Lilium est confessa oraculo uiue uocis, quod quia Paulus, filius Moch, pater Nicolai antedicti, in retroactis temporibus pro morte Iwan patris sui, casualiter perpetrate et pro omnibus alijs iniurijs, sibi et fratribus suis deinde illatis, viginti duo iugera terrarum de terris suis hereditarijs, intra metas suas existencia, sibi et fratribus suis, qui de hac uita decesserunt, iure perpetuo dederat et ajignauerat, timens grauamen animarum parentum et fratrum suorum, predicta viginti duo iugera terrarum, circa Huzzyu votlug existencia, tam pro remedio animarum parentum et fratrum suorum, quam eciam pro tribus marcis denariorum Wiennensium, plene receptis, eidem Nicolao, filio Pauli, et per eum suis heredibus, heredumque suorum successoribus, restituit et reddidit coram nobis, iure perpetuo possidenda, habenda et tenenda; hoc nichilominus adiecto, quod si aliquas litteras super predictis haberet cuiuslibet Capituli, seu aliorum quorumlibet confectas, essent inanes et omnino uiribus uacuate. Obligando se, quod quicunque processu temporum eundem Nicolaum et suos heredes racione dictorum iugerum uellent forsitan molestare et alijs eciam de causis supradictis; extunc eadem Lilium et filij sui predicti, aut filij filiorum suorum, tenerentur expedire proprijs laboribus et expensis. In cuius rei testimonium presentes concessimus litteras, sigilli

---