presencium uolumus peruenire, Quod constitutus personaliter coram nobis Otmarus, filius Zala, sicut se nominauit, de Chondol Mike de prouincia Palyazokuz, ab una parte; Iwan, filius file, de eadem prouincia Palyazokuz, ab altera; idem Otmarus est confessus oraculo uiue uocis, quod ipse dimidietatem memorate possessionis Chondol Myke nuncupatis (sic) ipsum hereditarie, prout dixit, contingentem, presentibus commetaneis et vicinis suis, uidelicet comite Pamsa filio Budo et Dominico filio Petri et bona uoluntate ipsorum coram nobis permittentibus, racione sue paupertatis et inopie eidem Iwan et per eum suis heredibus, heredumque suorum successoribus, pro quatuor marcis denariorum Wiennensium, plene ab eodem receptis, quamlibet marcam cum singulis decem pensis computando, uendidisset, dedisset et tradidisset, iure perpetuo, irreuocabiliter cum omnibus utilitatibus et pertinencijs suis, nichil iuris penitus in eadem pro se reseruando, possidendam, habendam et tenendam, pleno iure. Et quod tam de porcione Otmari supradicti, quam eciam de porcione Nicolai, filij Myke, de dicta possessione Chondol, dos et quarta filialis iuxta Regni consuetudinem Rusint, filie Mike, racione dotis matris sue et racione quarte sue filialis, Margarete uero, filie Huzuet, eciam racione sue dotis, ac eciam racione dotis Macha, filie Pouka, sororis oliuerij, pro qua idem Oliuerius cum Stephano filio suo comparuit, sicut dixit, Rusint uero et Margaretha memoratis coram nobis comparentibus, pertinere de Jure uidebatur, quelibet ipsarum pro dote sua et quarta filiali antedicta ab eodem Iwan, filio filie (sic), cui supradicta possessio titulo empcionis est deuoluta, singulas duas marcas, cum singulis decem pensis computando, plene recepissent et integre et sic eundem racione dotum memoratorum et racione quarte predicte reddiderunt liberum et omnino expeditum. Obligando se, quod quicunque processu temporum eundem Iwan, aut suos heredes racione sepedicte possessionis uellent forsi.tan molestare; extunc idem Otmarus cum suis heredibus, Rusint, Margareta et Macha racione dotum predictorum et quarte ab omnibus, inpetere uolentibus, tenerentur expedire proprijs laboribus et expensis. In cuius rei testimonium presentes concessimus litteras, sigilli nostri munimine roboratas. Datum in dominica Letare, Anno domini M°. CCC°. XXmo.
A. B. C.
Sigillum integrum e zona membr. pendet. Orig. in Arch. Cap. Poson. publ. Capsa 14. fasc. 3. Nr. 10.

---