891.
1320. 2. Jul. - Joannes PP. XXII. Ecclesiae Varadiensi cathedrali et B. Mariae Virg. ad preces Chanadini Praepositi indulgentias concedit.
Johannes Episcopus - - Cum - - Chanadinus Prepositus ecclesie Waradiensis, Secretarius Cancellarius et Comes Capelle - - Caroli Regis Ungarie -, sicut ipse nobis exposuit, - - de hereditariis et aliis bonis suis, per eum racionabiliter acquisitis, in eadem ecclesia quinque altaria - - fundaverit, sufficientibus eis dotibus assignatis et insuper in ecclesia b. Marie V. Waradiensi, que est filia eiusdem ecclesie Cathedralis, de bonis propriis sex Canonicos et septimum prepositum eorumdem institui inibi canonice procurarit, sufficientibus eisdem redditibus assignatis: Nos - - omnibus vere penitentibus et confessis, qui ad dictas ecclesias - - in patronorum earumdem et singulis - b. Virginis festivitatibus et dedicationibus ipsarum ecclesiarum, Sexaginta dies; eis vero, qui per ipsarum festivitatum octavas – accesserint annuatim, Quadraginta dies de iniunctis eis penitentiis misericorditer relaxamus. Datum Avinione VI. Nonas Julii. P. a. 4.
Theiner Mon. I. 467.
892.
1320. 27. Jul. - Capitulum Strigon. hortum quemdam Conventui Eremitarum Strigon. pro aliis fundis in cambium cedit.
Nos Theophylus prepositus et Capitulum ecclesie Strigon. Significamus, quibus presentes ostendentur, vniuersis, Quod inter nos et Religiosos uiros Priorem ac Conuentum ordinis fratrum Heremitarum sancti Augustini de domo sancte Anne Strigoniensi, super facto Orti fratrum eorumdem, in ea parte, quam a nobis pro censu dimidie marce in festo sancti Michaelis Archangeli (29. Sept.) persoluendi, hactenus ijdem possidebant et tenebant, Que quidem pars terre Orti in litteris conuencionalibus, condicionem eiusdem census continentibus, olim hinc inde confectis, nomine cuiusdam Pomerij et fundi Curie ad idem pertinentis, cum semita interclusa intitulabatur, ne de cetero ipsis fratribus in soluendo censum annualem, nobis autem in petendo ab eisdem tedium eue(niat), propter bonum pacis et commodum mutue caritatis, inter nos et predictos fratres, bona deliberacione diu prehabita, tale concambium, seu permutacio extitit ordinata, Quod ipsam terram Orti atque fundi, hactenus censualem, absque omni pensione et debiti honere, olim habitis, deinceps ipsi fratres pacifice et quiete iure perpetuo possidebunt et tenebunt. Ita quod nos et nostri successores nullo unquam tempore ipsam terram fundi et Pomerij,