uel censum eius ab eis repetemus, nec habebimus aliquale ius repetendi, Sed neque occasionem qualitercunque inquietandi eos pro eadem, aut pro suo censu memorato. Nobis autem e conuerso in concambium seu permutacionem pretacte terre, nec non in redempcionem, seu relaxacionem perpetuam sui census, Prior et fratres antedicti quoddam Pomerium in Scebhlib super possessione nostra existens, per Kunchul, dictum pleuser[621], Strigonij decedentem, claustro sancte Anne in testamento libere legatum, assignarunt. Item iustam medietatem Insule, ad terram Hurth prius pertinentem, per magistrum Myko filium Myko, Lathka dictum, eisdem fratribus sancte Anne in suo legatum testamento, que quidem Insula iacet iuxta molendinum Sefridi dicti Princher[622], ijdem fratres similiter nobis contulerunt. Item locum eiusdem molendini in villa Kuesd Archiepiscopali, iuxta fluuium Goron existentem, per memoratum Sefridum Princher uocatum de Ciuitate Strigon. suis in extremis eisdem fratribus legatum, nobis simili modo contulerunt. Item fundum Curie Bodak[623] Pauli inter terras nostram et Dymisiensis Capituli, uidelicet a parte ecclesie sancti dominici, siue noue ville, iuxta Curias Sceuke, Nicolaij et Pauli filij Chenk[624] existentem, a relicta eiusdem Sceuke Nicolaij, sorore prenotati Bodak Pauli precio comparatum, fratres sepedicti dederunt et contulerunt similiter nobis iure perpetuo possidendum et tenendum. Assumpseruntque Prior et fratres antedicti sua sponte, tam pro se, quam successoribus suis fratribus, nos ab omnibus inpetitoribus pretextu pretactarum possessionum, in huiusmodi permutacionem traditarum, litem seu litis accionem mouere contra nos, aut suscitare uolentibus, coram quouis Judice defensare et per omnia expedire suis proprijs laboribus et expensis. Preterea ne ulterius hinc inde tam ex parte ipsorum fratrum, quam ex parte nostri et nostrorum iobagionum, iuxta predictum Ortum a parte fossati Ciuitatis residencium et congregandorum in futurum, super limitacione, seu distinccione metarum aliqualis contencio possit exoriri, nos et ipsi fratres pari prouidencia concernentes, in angulo Orti fratrum eorumdem ex parte aque Calide in medio, ac in fine, secundum palorum directam situacionem, sepis ipsorum fratrum, ut fuit de iusticia ab antiquo, lapides in signum metarum poni fecimus unanimiter ad tenendum communis iusticie firmitatem. Ceterum litteras memorati conuentus sancte Anne, quibus mediantibus racione census Orti prenotati in dimidia marca, quemadmodum est promissum, Prior et fratres supradicti nobis tenebantur, eisdem restituimus ad cassandum. Addicientes eciam, quod si contra eosdem fratres alique littere exinde confecte apud nos ignoranter, aut apud

[621] Nr. 888. scribitur: Ploser.

[622] Ib. Prynchener et Princhyner.

[623] Ib. Badag.

[624] Ib. Cheenk.