905.
1321. 2. Febr. - Capitulum Poson. viduam Jacobi de Jánok servum suum, ex ancilla et libero genitum, manumisisse testatur.
A. B. C.
Vniuersis Xi. fidelibus, presentes litteras inspecturis, Capitulum ecclesie Poson. Salutem in domino sempiternam. Ad vniuersorum noticiam tenore presencium volumus peruenire, Quod constituta personaliter coram nobis nobilis domina, filia Salamonis de Kyliti, Relicta comitis Jacobi magni de Janik, est confessa oraculo uiue uocis, quod ipsa quendam puerum, nomine Stephanum, quem Johannes filius Vrachij de Leeg ex ancilla sua, nomine Rosa, generauit, tam pro remedio anime dicti comitis Jacobi, quondam mariti sui, cuius ancilla fuerat empticia, quam eciam pro remedio anime sue et animarum parentum suorum, ac pro seruicijs eiusdem Johannis, sibi et dieto marito suo ab ipsius puericia inpensis, cum permissione et bona uoluntate Dominici filij Petri, filij fratris dicti comitis Jacobi et Georgij filij Salamonis fratris sui, sicut dixit, manu misit et tradidit coram nobis perpetue libertati, ita, quod de cetero nullus eundem Stephanum racione predicte condicionis sue possit, aut ualeat in aliquo penitus molestare. In cuius rei testimonium presentes concessimus litteras, sigilli nostri munimine roboratas. Datum in festo Purificacionis beate virginis gloriose, Anno domini M°. c"c°c0. vigesimo primo.
Fragmen sigilli e rubro et violaceo serico pendet. Orig. in Arch. Cap. Poson. publ. Capsa 14. fasc. 23. Nr. 15.
906.
.... - Thomas Archiepiscopus Strigon. admonet Jauriensem Episcopum, ne decimas vini villae Nyúl in praeiudicium Abbatis de Bakonybél recipiat.
Venerabili in Christo patri, Domino N. Dei gracia Episcopo Jauriensi, locique eiusdem comiti perpetuo, Amico suo reverendo, Thomas per eandem Archiepiscopus Strigoniensis, eiusdemque loci comes perpetuus, mutuam ac sinceram in Domino caritatem. Conqueritur nobis Religiosus vir, frater Thomas Abbas de Beel, quod vos Decimam vini ville Nul sibi debitam ex priuilegio sanctorum Regum, prohibuissetis in suum et ecclesie sue preiudicum et gravamen. Quarc Paternitatem Vestram petimus per presentes diligenter, quatenus dictam Decimam ad suggestionem Budur servientis vestri prohibere et recipere non uelitis in preiudicium iacturam ecclesie memorate. Datum Strigonii in crastino Inuencionis sancte Crucis.
Extus: Venerabili in xpo. patri, Domino N. Dei gracia episcopo Jauriensi, amico suo. - Orig. in Arch. Conv. Mont. Pannoniae. - Ed. Nagy Cod. Andeg. I. 562.
Első
