11.
1273. - Magister Muthmerius praepositus Scepusiensis testamentum condit.
Nos Magister mothmerius, prepositus sipisiensis (sic), significamus vniuersis per presentes, quod cum omnes moriamur, et tamquam aqua dilabamur, pium est, ut quilibet xianus. tesaurum sibi tesaurizet in celis. ea nos ducti consideracione, pallacium, quod nos proprijs expensis et laboribus fratrum nostrorum canonichorum construximus, pro remedio anime nostre relinquimus sacerdotibus et clericis canonicis, in ecclesia beati Martini commorantibus et famulantibus. Item seruum nostrum Johannem cum filio suo dedimus eidem ecclesie ad pulsandum et filiam suam ad lotricem uestium suarum, dando eidem iohanni et filio suo quatuor boues et duas uacas et decem oues et decem porcos. Item dedimus eidem ecclesie beati Martini omnes libros nostros, videlicet Bibliam, decretum, decretales, storiam scolasticam, librum sententiarum, passionalem, pastoralem, libros sermonum. Item duos calices, cruces et alia indumenta et quinque tapecia. Item omnes buballos nostros relinquimus eidem ecclesie. Item capelle beate uirginis processionali dedimus centum oues, quinquaginta porcos, quatuor equos, de quorum fructibus unus presbiter, quem ad hoc capitulum deputauerit, se debeat sustentare et in ipsa capella in qualibet septimana tres missas debeat celebrare. Item uineam nostram in pothtok, quem cum maximo labore aquisiuimus, relinquimus sacerdotibus, in ecclesia beati Martini famulantibus, ut singulis sabbatis post uesperas salue regina in capella beate uirginis, uel gaude dei genitrix cantare teneantur. Item capellam nostram cum calice uiatico et missali nostro cum indumentis suis relinquimus capelle eiusdem beate uirginis. Item cappam nostram de bruneto scarleto cum uarijs et.. nostrum cum purpura paratum, relinquimus ad opus secunde turris ecclesie beati martini. Item molendinum nostrum, quod est in Ridnich, donauimus sacerdotibus, in ecclesia beati Martini commorantibus. Item quatuor uacas et septem oues et triginta porcos, quos apud sanctum Michaelem habemus, relinquimus eidem ecclesie sancti Michaelis. Item duas uacas et VII oues, quas habemus in Visoka, relinquimus capelle sancti andree. Item de libris nostris, quos ecclesie sancti martini contulimus, si aliquis aliquem librum aliqua occasione alienare uoluerit; auctoritate ordinaria nostra, qua nunc fungimur, sit excommunicatus et tamquam sacrilegus ab omnibus euitetur. Animalia autem nostra, que nunc in castro habemus, eidem castellano duximus relinquenda. Item tali consideracione inducti, ne predictus conpanator (sic) de ecclesia fugere compellatur, curiam et domos marci sacerdotis duximus conferendas et decem iugera terrarum retro ortum nostrum, que ipse idem primo coluit et purgauit. Item medietatem apium nostrarum, quas in luchka habemus, eidem pulsatori dedimus, aliam uero medietatem capellano beate Marie relinquimus pro tempore

---