et hospites de eadem, racione decimarum eidem ville, ipsi altari de iure ab antiquo debencium, eo quod idem magister Thomas easdem decimas, reluctando sacerdote et hospitibus predictis, plene percipere non poterat ut debebat, magis ac magis fuisset disceptatum. Tandem, ad regiam peticionem nostram, componente venerabili in Christo patre, domino Boleslao, Dei gracia archiepiscopo Strigoniensi, eiusdemque loci comite perpetuo, charissimo proximo nostro, cuius interest ex officio sibi incumbenti, pacis bonum in hac parte ordinare, partes coram nobis taliter concordarunt: quod in decima vini predictorum hospitum nostrorum quartam partem, in decima frugum terciam, et in aliis minutis decimis equalem medietatem, percipiet amodo in antea sacerdos prescripte ecclesie sancti Martini, pro tempore in eadem constitutus, residuis decimis prefato magistro Thome et eiusdem successoribus pacifice remanentibus. Hoc specialiter declarato, quod ne eidem magistro Thome, aut ipsius successoribus preiudicium generetur, in suo iure decimali, sacerdos prefatus, modernus vel futurus dicte ecclesie, pro se preter rectorem altaris memorati, qui fuerit pro tempore, nihil recipere possit de decimis antedictis, sed ipsis decimis in unum locum congregatis, presente ipso rectore vel eiusdem homine ad hoc deputato, sacerdos sibi debitam, modo premisso, excipiet porcionem de eisdem. In cuius rei memoriam, perpetuamque firmitatem, presentes concessimus litteras nostras privilegiales, novi et autentici sigilli nostri dupplicis munimime roboratas. Datum, per manus discreti magistri Andree, prepositi ecclesie Albensis, aule nostre vicecancellarii, dilecti et fidelis nostri, anno Domini millesimo trecentesimo vigesimo sexto, quinto Idus Maii,[69] regni autem nostri similiter vigesimo sexto. Venerabilibus in Christo patribus, dominis predicto Bolezlao archiepiscopo Strigoniensi, locique eiusdem comite perpetuo et fratre Ladislao Colocensi archiepiscopis; Johanne Nitriensi, Benedicto Chenadiensi, fratre Petro Boznensi, Iwanka Waradiensi, Ladislao Quinqueecclesiensi, Nicolao Jauriensi, Andrea Transiluano, Henrico Wesprimiensi et Chenadino Agriensi ecclesiarum episcopis, ecclesias Dei feliciter gubernantibus. Magnificis Philippo (emansit: palatino), comite de Scepus et de Wywar, ac iudice Comanorum; Demetrio magistro tauernicorum nostrorum, comite Bachiensi et Threncziniensi; Alexandro iudice curie nostre; Thoma waywoda Transsiluano et comite de Zownwk; Mich bano tocius Sclauonie; Paulo bano de Machou, comite Sirmiensi, de Wolkow et de Budrug; Desew iudice curie, domine regine charissime consortis nostre; Blasio magistro agazonum nostrorum; Dionisio magistro dapiferorum nostrorum et Nicolao comite Posoniensi, aliisque quam pluribus, regni nostri comitatus tenentibus et honores.
E transsumpto Ludovici II. regis a. 1519. – Orig. in Arch. Cap. Strig. Priv. Lad. 47. fasc. 5. nr. 1.

134.
1326. Esztergom. 14. Maii. – Boleslaus, archiepiscopus Strigon., decimas villae Maros, inter rectorem altariae B. Mar. Virg. Strigon. et sacerdotem loci, eatenus disceptantes, dividit.
Boleslaus, Dei et apostolice sedis gracia, archiepiscopus Strigoniensis, locique eiusdem comes perpetuus, omnibus Christi fidelibus, presentibus et futuris, presentem paginam inspecturis, cum benedictione salutem in eo, qui est omnium vera salus. Altitudo divini consilii, que in sui disposicione non fallitur, ad hoc

[69] 1326. 11. Maii