castellanus de Wysegrad, ad nostre serenitatis accedens presenciam, sueque fidelitatis servicia, nostre maiestati impensa proponens et declarans, quandam possessionem Nyrmal vocatam, in comitatu Strigoniensi existentem, asserens eam fore hominis sine herede decedentis, et ex eo nostre collacioni pertinere, a nobis sibi dari et conferri perpetuo postulavit; unde quia de qualitate et quantitate ipsius possessionis: utrum nostre pertineat collacioni necne, nobis veritas non constat, fidelitati vestre mandantes precipimus, quatenus vestrum mittatis hominem ydoneum pro testimonio, coram quo Georgius de Thah, vel Mykacha de Chew, altero absente homo noster, accedat ad faciem predicte possessionis, vicinisque et commetaneis suis convocatis, reambulet eandem, per veras metas et antiquas et statuat ipsi magistro Stephano possidendam, si non fuerit contradictum, contradictores si qui fuerint contra eundem, ad nostram presenciam ad terminum competentem legitime evocetis, et post hec diem citacionis, terminum assignatum, nomina citatorum, cum cursibus metarum, tociusque facti serie nobis fideliter rescribatis. Datum in Wysegrad, in octavis festi beati Jacobi apostoli,[71] anno Domini M-o CCC-o XX-o sexto.
Nos igitur excellencie vestre obedientes, unacum homine vestro Georgio de Thah, discretum virum magistrum Martinum, chori nostri prebendarium, ad premissa exequenda, duximus destinandum. Qui demum ad nos reversi concorditer retulerunt, quod eandem terram Nyrmal, iuxta formam et fines mandati vestri reambulassent, nulloque contradictore comparente, ipsam terram ipsi magistro Stephano statuissent possidendam. Cuius quidem terre metee (sic!) hoc ordine distinguntur: Prima meta incipit supra montem qui dicitur Nyrku et deinde descendit in vallem, inter duas vineas directe, videlicet inter vineam Gregorii molendinatoris de Sancto Rege et vineam de villa Musla; et deinde descendit versus occidentem, directe per viam latam, usque ad metam lapideam, que est in medio magne vie, per quam itur versus Budam; deinde descendit directe per campos ad metam terream et deinde descendit versus pratum, quod est circa Durug, ubi est una meta lapidea in medio prati, circa quam currit rivulus unus, et ibi separatur a terra magistri Jacobi, cruciferi sancti regis Stephani de Strigonio et adiungitur terre nostre capituli Strigoniensis, quas metas dividit quidam rivulus eundo directe versus meridiem, ubi est unus mons lapideus; et deinde itur modicum directe ubi adiungitur via publica ad pratum, per quam viam itur versus Budam; dehinc itur de Beseneukutha infra ad occidentem ad unum rubum et ibi est una antiqua via, que transit per viam qua itur in Durugh per quoddam pratum, cuius prati medietas est nostra capituli Strigoniensis et medieatas cessit ipsi magistro Stephano; deinde itur versus orientem directe ad unum puteum, qui dicitur Beseneukutha; et deinde itur versus septentrionem ad duas metas terreas; et deinde itur iuste ascendendo super verticem unius fossati, ubi in fine ipsius fossati est una meta terrea in valle; et deinde transit illam vallem directe ad unum montem, et ibi est in vertice ipsius montis una meta terrea; et deinde itur ad magnam viam, per quam itur versus Strigonium; exinde itur versus occidentem sub monte inter vineas, ad arbores nucum; deinde inter vineas eundo directe venit ad priorem metam, qui dicitur Nyrku et ibi terminatur. Datum tercia feria proxima ante festum assumpcionis Beate Virginis,[72] anno Domini M-o CCC-o XX-o sexto.
Nos itaque, ex huiusmodi relacione dictorum fidelium nostrorum, capituli

[71] 1326. 1. Aug.

[72] 1326. 12. Aug.