143.
1326. (Győr). 17. Aug. – Capitulum Jaurinense, terram Ablincs, reambulatam et capitulo Posonien. statutam esse, Carolo I. regi rescribit.
Tenorem vide sub nr. 161.

144.
1326. (Győr.) 17. Aug. – Capitulum Jaurinense, possessiones Csandal, Deaki et Csicse reambulatas et capitulo Posoniensi statutas esse, Carolo I. regi rescribit.
Seriem vide sub nr. 157.

145.
1326. Pozsony. 22. Aug. – Nicolaus prepositus Posoniensis, magistro Paulo, canonicatum in eccl. Poson., per privationem Diclini clerici vacantem, confert.
Seriem vide in Protoc. litis de a. 1342. 10. Mart conf. in Arch. Cap. Poson. Priv. Caps. F. fasc. 9. nr. 192., ad annum 1342 hoc tome exhib, sub nr. 600.

146.
1326. 30. Aug. – Carolus I. rex, possessionem Nyirmál, magistro Stephano, castellano de Visegrád, ob fidelia eius servitia, donat.
Karolus, Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque rex, princeps Sallernitanus et Honoris, ac montis sancti Angeli dominus. Omnibus Christi fidelibus, tam presentibus quam futuris, presencium noticiam habituris, salutem in omnium Salvatore. Personam decet sublimium et maiestati congruit imperantis, votis subiectorum perspectis, manus eis porrigere largitatis, ut qui fideles sunt fideliores existant et ceteri eorum exemplo ad fidelitatis studia fervencius inardescant. Proinde ad universorum noticiam, harum serie, volumus pervenire: quod cum magister Stephanus castellanus de Wyssegrad, dilectus et fidelis noster, ad nostram accedens presenciam, sueque fidelitatis obsequiosa servicia proponens et declarans, quandam possessionem Nyrmal vocatam, in comitatu Strigoniensi existentem, asserens eam fore hominis sine herede decedentis, ad nostram pertinere collacionem, a nobis sibi dari et conferri perpetuo postulasset. Nosque iuxta regni nostri consuetudinem, ab antiquo approbatam, fidelibus nostris capitulo ecclesie Strigoniensis, ut ipsi suum mitterent hominem, pro testimonio fidedignum, coram quo, Georgius de Thah, vel Mykacha de Chew, altero absente homo noster, accedens ad faciem predicte possessionis et convocatis vicinis et commetaneis suis, eandem per veteres metas et antiquas reambularet et statueret ipsi magistro Stephano, si non fieret contradictum; contradictoribus, si qui forent, ad nostram presenciam legitime evocatis, nostris litteris dedissemus in mandatis. Tandem idem capitulum, fideles nostri, nobis rescripserunt in hec verba:
Excellentissimo domino suo Karolo, Dei gracia illustri regi Hungarie, prepositus et capitulum Strigoniensis ecclesie, oracionum suffragia devotarum. Litteras serenitatis vestre recepimus, in hec verba:
Karolus, Dei gracia rex Hungarie, fidelibus suis capitulo ecclesie Strigoniensis, salutem et graciam. Noverit vestra fidelitas, quod magister Stephanus castellanus