quatenus per nostri officii debitum mentes fidelium vitam celibem capientes, ad eternam patriam dirigantur et divinis cultibus domus Dei suis ministerialibus privilegio salutari gratuletur. Cupientes itaque ecclesias ad cultum divini nominis dedicatas, per terram Scepsiensem et districtus eiusdem, nostre dyocesis, a Christi fidelibus iugiter frequentari, ac beneficio speciali gratulari, saluti animarum eisdem creditarum paternaliter consulentes, presentibus duximus annuendum, ut honorabilis et discretus vir, magister Johannes, prepositus Scepsiensis, cancellarius et in spiritualibus noster vicarius generalis, cuilibet ecclesie intra terram Scepsiensem et in districtu eiusdem, cum ad eum devotis precibus, ac supplicacionibus votivis per quempiam accessus habebitur, pro allectinis spiritualibus muneribus optinendis, auctoritate nostra fretus, tam in subsidiis caritativis, quam in aliis, quibus alma mater ecclesia poterit decorari, vere confessis et contritis, de iniunctis penitentiis quadraginta dierum indulgencias in Domino valeat misericorditer elargiri. Item, quandocunque idem dominus prepositus suam visitaverit provinciam, modo consimili et missam audiverit, quadraginta dierum indulgencias valeat elargiri et in casibus, ad metropolitanam ecclesiam spectantibus, beneficium absolucionis impertiri. In cuius rei testimonium presentibus sigillum nostrum duximus appendendum. Datum in Sceps, feria sexta proxima ante octavas nativitatis Virginis Gloriose, anno Domini M-o CCC-o XX-o sexto.
Sigillum detritum e zona membr. dependet. – In fronte eiusdem appressum est cum cera rubra sigillum rotundum annulare, aquilam extensis alis exhibens, e perigraphe extrita vox: . . . goniensis difficulter eruitur. Videtur esse sigillum alicujus archiepiscopi Strigon. diploma hoc hac ratione confirmantis. – Orig. membr., in Arch. Cap. Scepus. Priv. Scrin. 11. fasc. 2. nr. 20.

148.
1326. – 13. Sept. – Capitulum Strigon , ad mandatum Caroli I. regis, reambulat metas possessionis Zalatna, in comitatu Strigon. jacentis, et inter cetera haec habet:
"prima meta a parte orientali incipit ibi, ubi sunt due mete, in quarum prima est arbor piri et separat a possessione domini archiepiscopi Strigoniensis, Hereg vocata, et post hec vadit ad duas metas terreas et ibi vicinatur terre ecclesie Fyast..."
Edid. Cod. Andegav. T. II. p. 257.

149.
1326. Buda. 15. Sept. – Carolus I. rex, Mikócsa filio Elek, magistrum Stephanum castellanum de Visegrád adoptandi, eique possessionem suam Csév conferendi potestatem concedit.
Tenorem vide sub. nr. 165.

150.
1326. Kegyhel. 13. Oct, – Jacobus abbas et conventus de Kedhely, compositionem cum capitulo Poson. initam, super Flanczendorf, acceptat et comprobat.
Seriem vid. sub. nr. 156.